Elordadaǵy Táýelsizdik saraiynda Memleket basshysy Nursultan Nazarbaevtyń tóraǵalyǵymen "Nur Otan" partiiasynyń kezekti XVIII sezi jumysyn bastady, dep habarlaidy QazAqparat tilshisi.
Sezd kún tártibinde birneshe máseleni qarastyrý kózdelgen. Atap aitqanda, aldymen «Nur Otan» partiiasynyń 2030 jylǵa deiingi baǵdarlamasy týraly másele qozǵalady. Odan keiin partiianyń Jarǵysyna ózgerister men tolyqtyrýlar qarastyrylyp, partiia Saiasi keńesiniń jəne Ortalyq baqylaý-tekserý komissiiasynyń esepti kezeń boiynsha jumysynyń qorytyndylary shyǵarylady. Sonymen qatar partiia Saiasi keńesiniń jəne Ortalyq baqylaý-tekserý komissiiasynyń músheleri sailanatyn bolady.
Sezd jumysyna 2 myńǵa jýyq adam qatysýda. Olardyń 1200-i elimizdiń barlyq óńirlerinen kelgen delegattar, al qalǵan 800-ge jýyǵy - qonaqtar.
Aita keteiik, taiaýda QR Prezidenti Nursultan Nazarbaev «Nur Otan» partiiasynyń jaqynda ótetin sezinde áleýmettik qoldaýdy kúsheitýge jáne azamattardyń turmys sapasyn arttyrýǵa arnalǵan birqatar sharalar usynatyndyǵyn aitqan bolatyn. Oǵan biýdjetten jáne Ulttyq qordan qomaqty qarjy bólinbek. Atalǵan qarajat az qamtylǵan azamattarǵa áleýmettik qoldaý kórsetý isin kúsheitýge, halyqtyń áleýmettik turǵydan álsiz toptarynyń baspana jaǵdaiyn jaqsartý múmkindikterin arttyrýǵa, óńirlerdi damytý saiasatyn túbegeili ózgertýge jumsalady.
"Úkimet pen barlyq deńgeidegi ákimderdiń jumysy osy mindetterdi júzege asyrýǵa baǵyttalýy tiis. Úkimet pen óńirlerdiń ieligindegi qarajat kózdelgen maqsatqa sai jumsalmai otyr. Munyń bárine baqylaý ornatylady. Osy baǵyttar jóninde «Nur Otan» partiiasynyń sezinde tolyǵyraq aitylatyn bolady", - degen edi Elbasy.
.jpeg)