QR Tuńǵysh Prezidenti – Elbasy Nursultan Nazarbaev «Habar» telearnasyndaǵy «Shtrihi k portretý. Lider» filmine suhbat berdi, dep habarlaidy "Ult aqparat".
«Meniń jasymda bárinen demalǵym keledi. Biraq ol múmkin emes. Óitkeni, adamdar hat jazady, kezdesýge suranady. Osylaisha, jumys isteýge týra keledi. Poshtaǵa da halyqaralyq jáne el ishinen tolassyz hattar keledi. Bul bir jaǵynan jaqsy shyǵar. Mi jumys isteýi úshin bir nársemen ainalysý kerek», - deidi Elbasy.
40 minýttyq filmde Elbasy shekaralardy bekitý boiynsha kórshiles Resei, Qytai, Qyrǵyzstan jáne Ózbekstan elderimen kelissóz qalai júrgenin eske aldy.
Sonymen birge, Tuńǵysh Prezident reseilik saiasatkerlerdiń Qazaqstannyń soltústik aimaqtary týraly málimdemeleri jóninde pikir bildirdi.
«Saiasatkerler kóp nárseni aita beredi. Jer berdik deidi, aldyq deidi, syiladyq deidi. Qandai jerdi syilapty? Eger biz Altyn Ordanyń murageri bolsaq, Máskeý kniazdigi alym-salyq tólegen. Endi 800 jyldyq tarihty eske alýymyz kerek pe? Sondyqtan, aitylyp jatqan túrli pikirlerge mán berýdiń qajeti joq. Reseidiń resmi biligi bul másele boiynsha túsinikteme berdi – sol ǵana mańyzdy», - dep jaýap berdi Nazarbaev.
Derekti filmniń tolyq nusqasyn tómendegi videodan kórýge bolady.
