Elordada QR Prezidenti Nursultan Nazarbaevtyń qatysýmen Astana klýbynyń jalpy otyrysy bastaldy, dep habarlaidy QazAqparat tilshisi.
Sharaǵa álemniń 30 elinen eks-prezidentter men burynǵy premer-ministrler, burynǵy syrtqy ister ministrleri, Nobel syilyǵynyń laýreaty, geosaiasat jónindegi álemdik bestellerlerdiń avtorlary jáne halyqaralyq qatynastar, geosaiasat pen ekonomika boiynsha sarapshylar siiaqty 50-ge jýyq spiker qatysýda.
Spikerler qatarynda Eýropalyq komissiianyń tóraǵasy (2004 - 2014) Joze Manýel Barrozý, Aýǵanstan prezidenti (2001-2014) Hamid Karzai, MAGATE-niń bas direktory (1997-2009), Mysyr eliniń vitse-prezidenti (2013), Nobel syilyǵynyń beibitshilik boiynsha laýreaty Mohammed El-Baradei, Túrkiia premer-ministri (2014-2016), Túrkiianyń syrtqy ister ministri (2009-2014) Ahmet Daýytoǵly, Pákistannyń premer-ministri (2004-2007) Shaýkat Aziz, Sloveniia prezidenti (2007-2012) Danilo Tiýrk, Belgiia premer-ministri (2008, 2009-2011), IDEA halyqaralyq demokratiialyq institýtynyń direktory Iv Leterm, Italiia syrtqy ister ministri (2002-2004, 2008-2011) Franko Frattini, Avstriia Syrtqy ister ministri (2000-2004) Benita Ferrero-Valdner, Bangladeshtiń Syrtqy ister ministri (2007-2009) Iftehar Choýdhýri, Qyrǵyz Respýblikasynyń premer-ministri (2014-2015) Djoomart Otorbaev, Grýziia premer-ministri (2015-2018) Georgii Kvirikashvilidiń esimderin ataýǵa bolady.
Aita keteiik, «Astana klýby» tórtinshi otyrysynyń keshegi ótken arnaiy sessiiasy barysynda «2019 jyly Eýraziia úshin tónip turǵan álemdik qaýipter reitingi» atty halyqaralyq zertteý nátijesi kópshilik nazaryna usynylǵan bolatyn.
