Qazaqstannyń Tuńǵysh Prezidenti - Elbasy Nursultan Nazarbaev «Iadrolyq synaqtardan azat álem úshin chempion» mártebesine ie boldy.
Bul týraly Birikken Ulttar Uiymy Bas Assambleiasynyń 29 tamyz Halyqaralyq iadrolyq synaqtarǵa qarsy is-qimyl kúnine arnalǵan arnaiy sessiiasynda jariialandy, dep habarlady búgin QR Syrtqy ister ministrliginiń resmi jańalyqtar Telegram kanaly.
Saittaǵy málimetterge qaraǵanda, Iadrolyq synaqtarǵa jappai tyiym salý sharty uiymynyń (IaSJTShU) atqarýshy hatshysy Lassina Zerbo Qazaqstannyń iadrolyq qarýsyz álem qurýdaǵy jahandyq kúsh-jigerge jetekshilik kezindegi erekshe tarihi úlesin eskere otyryp, Nursultan Nazarbaevqa jańa mártebe berý týraly bastama kóterdi.
Elbasynyń 1991 jyly 29 tamyzda álemniń eń iri iadrolyq poligondarynyń biri – Semei iadrolyq poligonyn jabý týraly sheshimi adamzat tarihyndaǵy buryn-sońdy bolmaǵan iadrolyq synaqtarǵa alǵashqy zańdy tyiym retinde ǵana emes, sonymen birge Halyqaralyq kúndi belgileý úshin mańyzdy negiz boldy.
