Qazaqstannyń Tuńǵysh Prezidenti - Elbasy Nursultan Nazarbaev Resei Federatsiiasynyń prezidenti Vladimir Pýtinmen kezdesti, - dep habarlaidy "Ult aqparat" elbasy.kz saityna silteme jasap.
Nursultan Nazarbaev Resei Federatsiiasynyń prezidenti Vladimir Pýtinmen kezdesip, eldiń ulttyq merekesi - Resei kúnimen quttyqtady.
Kezdesýde Qazaqstannyń Tuńǵysh Prezidenti men Resei Federatsiiasynyń prezidenti eki el arasynda qarym-qatynas ornaǵanyna 30 jyl tolýyna orai bir-birine jyly lebizderin jetkizdi. Taraptar Qazaqstan men Resei yntymaqtastyǵy teń dárejedegi dialog negizinde damyp kele jatqanyn atap ótti.
Nursultan Nazarbaev pen Vladimir Pýtin bir-birine myqty densaýlyq jáne amandyq tilep, aradaǵy dostyq bailanys aldaǵy ýaqytta da Qazaqstan men Resei halyqtarynyń igiligi úshin jalǵasyn tabady degen senim bildirdi.
