Tuńǵysh Prezident – Elbasy Nursultan Nazarbaevtyń baspasóz qyzmetiniń YouTube paraqshasynda «Shtrihi k portretý» derekti filminiń 1-shi seriiasynyń tolyq nusqasy jariialandy, dep habarlaidy "Ult aqparat".
«Shtrihi k portretý» - Nursultan Nazarbaevtyń ómiri men qyzmetine arnalǵan, Qazaqstannyń Tuńǵysh Prezidenti tulǵasynyń buryn kórermenge belgisiz bolyp kelgen qyrlaryn ashatyn kópseriialy derekti film.
«Jyl saiyn ózimniń týǵan jerime baryp turamyn. Ákem men anamnyń basyna baramyn. Úshqońyrǵa shyǵamyn. Búkil ata-babam Úshqońyr jailaýynda jatyr. Sol jerde otyramyn da, qýat alamyn. Múmkin bolsa qymyz ishem. Men úshin ómirimdegi eń rahat shaǵymnyń biri bul. Biyl syrqattanyp qalǵan kezimde sol jaqqa arnaiy baryp, 10 shaqty kúndei sol jailaýda otyryp, taza aýa jutyp, demaldym. Osylaisha densaýlyǵym qalpyna keldi», - deidi derekti filmde Elbasy.
Nursultan Nazarbaev taýda týyp, taýda óskenin esine alady.
«Sondyqtan taýlar meni ózine tartyp turady. Sol taýlarda bir tylsym qýat bar. Balalyq shaǵymnyń, jastyq shaǵymnyń esteligi sonda. Taýlardyń óz keremeti bar. Úirenip qalǵan adamdy taý ózine tartyp turady. Al dalamyzdyń óz kórki bar. Dalaǵa barsań (elordada) aspan alyp bolyp kórinedi. Al Almatyda biik-biik taýlardyń ózi kókjiekterdi jaýyp, aspannyń ózi asa alyp kórinbeidi», - deidi Nursultan Nazarbaev.
Elbasynyń baspasóz hatshysy Aidos Úkibai Twitter-degi paraqshasynda derektiń filmniń birinshi seriiasynyń tolyq nusqasymen bólisti.
