تۇڭعىش پرەزيدەنت – ەلباسى نۇرسۇلتان نازارباەۆتىڭ باسپاسٶز قىزمەتٸنٸڭ YouTube پاراقشاسىندا «شتريحي ك پورترەتۋ» دەرەكتٸ فيلمٸنٸڭ 1-شٸ سەريياسىنىڭ تولىق نۇسقاسى جارييالاندى, دەپ حابارلايدى "ۇلت اقپارات".
«شتريحي ك پورترەتۋ» - نۇرسۇلتان نازارباەۆتىڭ ٶمٸرٸ مەن قىزمەتٸنە ارنالعان, قازاقستاننىڭ تۇڭعىش پرەزيدەنتٸ تۇلعاسىنىڭ بۇرىن كٶرەرمەنگە بەلگٸسٸز بولىپ كەلگەن قىرلارىن اشاتىن كٶپسەرييالى دەرەكتٸ فيلم.
«جىل سايىن ٶزٸمنٸڭ تۋعان جەرٸمە بارىپ تۇرامىن. ەكەم مەن انامنىڭ باسىنا بارامىن. ٷشقوڭىرعا شىعامىن. بٷكٸل اتا-بابام ٷشقوڭىر جايلاۋىندا جاتىر. سول جەردە وتىرامىن دا, قۋات الامىن. مٷمكٸن بولسا قىمىز ٸشەم. مەن ٷشٸن ٶمٸرٸمدەگٸ ەڭ راحات شاعىمنىڭ بٸرٸ بۇل. بيىل سىرقاتتانىپ قالعان كەزٸمدە سول جاققا ارنايى بارىپ, 10 شاقتى كٷندەي سول جايلاۋدا وتىرىپ, تازا اۋا جۇتىپ, دەمالدىم. وسىلايشا دەنساۋلىعىم قالپىنا كەلدٸ», - دەيدٸ دەرەكتٸ فيلمدە ەلباسى.
نۇرسۇلتان نازارباەۆ تاۋدا تۋىپ, تاۋدا ٶسكەنٸن ەسٸنە الادى.
«سوندىقتان تاۋلار مەنٸ ٶزٸنە تارتىپ تۇرادى. سول تاۋلاردا بٸر تىلسىم قۋات بار. بالالىق شاعىمنىڭ, جاستىق شاعىمنىڭ ەستەلٸگٸ سوندا. تاۋلاردىڭ ٶز كەرەمەتٸ بار. ٷيرەنٸپ قالعان ادامدى تاۋ ٶزٸنە تارتىپ تۇرادى. ال دالامىزدىڭ ٶز كٶركٸ بار. دالاعا بارساڭ (ەلوردادا) اسپان الىپ بولىپ كٶرٸنەدٸ. ال الماتىدا بيٸك-بيٸك تاۋلاردىڭ ٶزٸ كٶكجيەكتەردٸ جاۋىپ, اسپاننىڭ ٶزٸ اسا الىپ كٶرٸنبەيدٸ», - دەيدٸ نۇرسۇلتان نازارباەۆ.
ەلباسىنىڭ باسپاسٶز حاتشىسى ايدوس ٷكٸباي Twitter-دەگٸ پاراقشاسىندا دەرەكتٸڭ فيلمنٸڭ بٸرٸنشٸ سەريياسىنىڭ تولىق نۇسقاسىمەن بٶلٸستٸ.
