Qazaqstan men Resei prezidentteri kelesi aptada Sochide kezdesedi. Bul týraly RF Syrtqy ister ministri Sergei Lavrov málim etti, dep habarlaidy "Ult aqparat" "QazAqparat" agenttigine silteme jasap.
Astanaǵa resmi saparmen kelgen RF Syrtqy ister ministri Sergei Lavrov qazaqstandyq áriptesi Qairat Ábdirahmanovpen kezdesti.
Kezdesý barysynda Qairat Ábdirahmanov eki eldiń diplomatiialyq qarym-qatynasynyń 25 jyldyǵy qarsańynda RF Syrtqy ister ministriniń Astanaǵa jasaǵan is saparynyń mańyzy zor ekenin atap ótti. Ministr óz sózinde qazaqstandyq-reseilik qarym-qatynastyń jyl sanap bekip kele jatqanyn jetkizdi.
Budan keiin sóz alǵan RF Syrtqy ister ministri Sergei Lavrov strategiialyq qarym-qatynastyń nyǵaiýy jolynda Nursultan Nazarbaev pen Vladimir Pýtinniń eńbegin erekshe atap ótti.
«Eki el basshylarynyń aldaǵy kezdesýi Sochide ótedi dep josparlanyp otyr. Onda TMD elderi basshylarynyń Keńesi men Joǵarǵy Eýraziia ekonomikalyq keńes ótedi», - dedi Sergei Lavrov óz sózinde.
Kremldiń baspasóz qyzmetiniń málimetine sáikes, TMD elderi basshylarynyń keńesi men Joǵarǵy Eýraziia ekonomikalyq keńesi 2017 jylǵy 11 qazanda Sochide ótedi.
