Qytaidyń aǵylshyn tilindegi beldi basylymdarynyń biri Global Times QHR Tóraǵasy Si Tszinpin men Qazaqstan Prezidenti Nursultan Nazarbaevtyń 5 jyldaǵy kezdesýleri týraly infografika jariialady, dep habarlaidy «QazAqparat» HAA-nyń Qytaidaǵy menshikti tilshisi.
«2013 jyldan bastap QHR Tóraǵasy Si Tszinpin Qazaqstan Prezidenti Nursultan Nazarbaevpen 14 ret kezdesken. Ol «Jibek joly ekonomikalyq beldeýin» qalyptastyrý bastamasyn alǵash ret bes jyl burynǵy saparynda Qazaqstanda aitty», - dep jazady basylym. Infografikada eki memleket basshylarynyń kezdesken jeri men datasy kórsetilgen: 2013 jylǵy 6 sáýir (Boao Aziia forýmy), 2013 jylǵy 7 qyrkúiek (Si Tszinpinniń Qazaqstanǵa sapary), 2014 jylǵy 23 naýryz (Iadrolyq qaýipsizdik jónindegi sammit, Gaaga), 2014 jylǵy 19 mamyr (N. Nazarbaevtyń Qytaiǵa sapary), 2014 jylǵy 12 qyrkúiek (ShYU sammiti, Dýshanbe), 2015 jylǵy 7 mamyr (Si Tszinpinniń Qazaqstan Respýblikasyna sapary), 2015 jyldyń shildesi (ShYU sammiti, Ýfa), 2015 jylǵy 31 tamyz (N. Nazarbaevtyń QHR-ǵa sapary), 2016 jyldyń naýryzy (Iadrolyq qaýipsizdik jónindegi sammit, Vashington), 2016 jylǵy 24 maýsym (ShYU sammitindegi kezdesý, Tashkent), 2016 jylǵy 2 qyrkúiek (N. Nazarbaevtyń QHR-ǵa sapary), 2017 jylǵy 14 mamyr («Bir beldeý, bir jol» Joǵary deńgeili forýmyndaǵy kezdesý), 2017 jylǵy 8 maýsym (Si Tszinpinniń Qazaqstan Respýblikasyna sapary), 2018 jylǵy 7 maýsym (N. Nazarbaevtyń QHR-ǵa sapary, Tsindaodaǵy ShYU sammiti).
Eske sala keteiik, 2018 jyldyń qyrkúieginde Qytaidyń «Bir beldeý, bir jol» bastamasyna 5 jyl tolady.
