Beinekonferentsiia bailanysy rejiminde ótken otyrysqa Memleket basshysy Qasym-Jomart Toqaev, Premer-Ministr men Úkimet músheleri, «Nur Otan» partiiasynyń Saiasi keńesi men Biýro músheleri, Parlament Májilisindegi jáne máslihattardaǵy partiia fraktsiiasynyń depýtattary, óńir basshylary, «Jas Otan» jastar qanatynyń kóshbasshylary qatysty, dep habarlaidy "Ult aqparat" Elbasy.kz saityna silteme jasap.
Jiyndy ashqan Elbasy otyz jyl ishindegi elimizdiń damý jetistikterine toqtalyp, munyń barlyǵy birlese atqarylǵan jumystyń, mańyzdy memlekettik sheshimder men batyl reformalardyń jemisi ekenin atap ótti.
– Birizdi saiasi reformalardyń nátijesinde búginde elimizde joǵary demokratiialyq standarttarǵa sai keletin tiimdi kóppartiialyq júie qalyptasty. Biyl tarihymyzda alǵash ret zań shyǵarýshy jáne ókildik organdarǵa sailaý proportsionaldy júie boiynsha ótti. Sondai-aq aýyl ákimderin tikelei sailaý tájiribesi engizildi. Bul qadamdardyń bári eldegi partiialar arasynda básekeni kúsheitip, olardyń jaýapkershiligi men eseptiligin arttyra tústi, – dedi Nursultan Nazarbaev.
Otyrysta Premer-Ministr, partiia Saiasi keńesiniń Biýro múshesi A.Maminniń, Parlament Májilisiniń Tóraǵasy, partiia fraktsiiasynyń basshysy N.Nyǵmatýlinniń, Parlament Májilisiniń depýtaty, «Nur Otan» partiiasy Óńirlik damý jónindegi qoǵamdyq keńesiniń tóraǵasy Iu.Kýchinskaianyń, «Nur Otan» partiiasy Shymkent qalalyq filialynyń tóraǵasy M.Áitenovtiń, «Nur Otan» partiiasy Pavlodar aýdandyq filialy tóraǵasynyń birinshi orynbasary, «Nur Otan» partiiasynyń aýdandyq máslihattaǵy fraktsiiasynyń basshysy, Qazaqstan halqy Assambleiasynyń múshesi V.Geintstiń, «Nur Otan» partiiasynyń múshesi, Batys Qazaqstan oblysy, Bórli aýyldyq okrýgynyń ákimi Á.Zarifovtyń baiandamalary tyńdaldy.
Elbasy Premer-Ministr men Parlament Májilisi Tóraǵasynyń baiandamalarynan soń biliktiń atqarýshy jáne zań shyǵarýshy tarmaǵy partiianyń sailaýaldy baǵdarlamasyn júzege asyrýda úilesimdi jumys istegenin erekshe atap ótti.
Nursultan Nazarbaev memleketimizdiń aldynda turǵan syn-qaterlerge, sondai-aq partiianyń keleshek strategiialyq maqsattaryna jan-jaqty toqtaldy.
– Qazaqstan Táýelsizdiktiń tórtinshi onjyldyǵyna qadam basýda. Bul aýqymdy ózgeristerge, qiyn da jaýapty sheshimderge toly kezeń bolary anyq. Qazirdiń ózinde pandemiiany toqtatý qiynǵa soǵýda. Búginde aýqymdy ózgerister bolyp jatyr. Oǵan aqparattyq tehnologiialar men jasyl energetikanyń qarqyndy engizilýi de áser etýde, – dedi Elbasy.
Qazaqstannyń Tuńǵysh Prezidenti adamzat aldynda turǵan birqatar syn-qaterlerdi atap ótti. Sonyń ishinde jańa pandemiialarǵa qarsy kúreske, ekologiialyq problemalar men jahandyq jylynýdyń teris áseriniń kúsheiýine, álemdik ekonomikanyń ózgerýine orai elderdiń básekege qabilettiliginiń tómendeýine, geosaiasi shielenistiń órshýine, sondai-aq qoǵamdyq pikir men qundylyqtardyń kúrt ózgerýinen saiasi alaýyzdyq beleń alatynyna nazar aýdardy.
– Jahandyq turaqsyzdyq uzaqqa sozylýy múmkin. Osy oraida partiianyń sońǵy parlament sailaýyndaǵy «Qiyndyqty eńserip, jeńiske birge jetemiz!» degen uranynyń ózektiligi arta túsýde. Biz búkil qoǵamnyń múddesin qorǵaityn tsentristik ustanymdy saqtaýymyz qajet ekenin taǵy da atap ótkim kelip otyr. Partiianyń mindeti – halyqty bólip-jarý emes, biriktirý, – dedi Nursultan Nazarbaev.
Elbasy partiia fraktsiiasy depýtattarynyń pandemiia kezindegi tiimdi jumysyna toqtalyp, barsha qazaqstandyqtar Prezidenttiń memlekettik baǵdaryn qoldap, sonyń aiasynda jumylýy mańyzdy ekenine basa mán berdi.
– Men partiiamyzdyń negizin qalap, oǵan osy jyldar ishinde basshylyq ettim. «Nur Otan» partiiasyn el Prezidenti basqaryp, onyń saiasaty men strategiiasyn ózi aiqyndap otyrýy mańyzdy ekenin jaqsy bilemin. Buǵan deiin de solai boldy. Biz partiia Jarǵysyna súiene otyryp, sheshim qabyldaýymyz kerek. Bul – bizdiń birligimizdi kórsetetin qadam, – dedi Qazaqstannyń Tuńǵysh Prezidenti.
Nursultan Nazarbaev memlekettik baǵdardyń sabaqtastyǵy men turaqtylyǵyna negiz bolatyn partiianyń uzaq merzimdi kóshbasshylyǵyn qamtamasyz etý mańyzdy ekenine nazar aýdardy. Elbasy atap ótkendei, ol úshin «Nur Otan» partiiasy únemi jańǵyryp otyrýǵa, zaman talabyna sai ári ózgeristerge daiyn bolýǵa, halyq múddesin basshylyqqa alýǵa, aldyna aiqyn maqsat qoiyp, oǵan jetýdiń naqty joldaryn tabýǵa, bilik organdarynyń, qoǵamdyq institýttardyń tiimdi yqpaldastyǵyn qamtamasyz etýge tiis, sondai-aq qoǵamdy partiia qundylyqtary tóńiregine biriktirýi kerek.
– Biz Táýelsizdiktiń otyz jyldyǵyn aitýly jetistiktermen qarsy alyp otyrmyz. Qýatty elge ainalyp, birligi bekem qoǵam qurdyq. Otyz jylda 9,5 millionnan astam sábi dúniege keldi. Bul – kózi ashyq, kókiregi oiaý, sanasy azat, oiy ozyq jańa býyn. Memlekettilikti saqtap, «Máńgilik El» jalpyulttyq ideiasyn aqiqatqa ainaldyrý osy urpaqtyń tarihi missiia dep sanaimyn, – dedi Qazaqstannyń Tuńǵysh Prezidenti.
Jiynda Elbasy jańa dáýirdegi qazaqstandyqtarǵa baǵdar bolatyn «Eldiktiń jeti tuǵyry» atty qaǵidattar jiyntyǵyn usyndy.
– Biz Táýelsizdigimizdi nyǵaityp, el tutastyǵyn saqtap, otbasylyq qundylyqtardy qoldap, ulttyq mádenietimizdi nasihattap, tereń bilim men adal eńbekke den qoiý arqyly jasampaz el bolamyz, – dedi Nursultan Nazarbaev.
