بەينەكونفەرەنتسييا بايلانىسى رەجيمٸندە ٶتكەن وتىرىسقا مەملەكەت باسشىسى قاسىم-جومارت توقاەۆ, پرەمەر-مينيستر مەن ٷكٸمەت مٷشەلەرٸ, «Nur Otan» پارتيياسىنىڭ ساياسي كەڭەسٸ مەن بيۋرو مٷشەلەرٸ, پارلامەنت مەجٸلٸسٸندەگٸ جەنە مەسليحاتتارداعى پارتييا فراكتسيياسىنىڭ دەپۋتاتتارى, ٶڭٸر باسشىلارى, «Jas Otan» جاستار قاناتىنىڭ كٶشباسشىلارى قاتىستى, دەپ حابارلايدى "ۇلت اقپارات" Elbasy.kz سايتىنا سٸلتەمە جاساپ.
جيىندى اشقان ەلباسى وتىز جىل ٸشٸندەگٸ ەلٸمٸزدٸڭ دامۋ جەتٸستٸكتەرٸنە توقتالىپ, مۇنىڭ بارلىعى بٸرلەسە اتقارىلعان جۇمىستىڭ, ماڭىزدى مەملەكەتتٸك شەشٸمدەر مەن باتىل رەفورمالاردىڭ جەمٸسٸ ەكەنٸن اتاپ ٶتتٸ.
– بٸرٸزدٸ ساياسي رەفورمالاردىڭ نەتيجەسٸندە بٷگٸندە ەلٸمٸزدە جوعارى دەموكراتييالىق ستاندارتتارعا ساي كەلەتٸن تيٸمدٸ كٶپپارتييالىق جٷيە قالىپتاستى. بيىل تاريحىمىزدا العاش رەت زاڭ شىعارۋشى جەنە ٶكٸلدٸك ورگاندارعا سايلاۋ پروپورتسيونالدى جٷيە بويىنشا ٶتتٸ. سونداي-اق اۋىل ەكٸمدەرٸن تٸكەلەي سايلاۋ تەجٸريبەسٸ ەنگٸزٸلدٸ. بۇل قادامداردىڭ بەرٸ ەلدەگٸ پارتييالار اراسىندا بەسەكەنٸ كٷشەيتٸپ, ولاردىڭ جاۋاپكەرشٸلٸگٸ مەن ەسەپتٸلٸگٸن ارتتىرا تٷستٸ, – دەدٸ نۇرسۇلتان نازارباەۆ.
وتىرىستا پرەمەر-مينيستر, پارتييا ساياسي كەڭەسٸنٸڭ بيۋرو مٷشەسٸ ا.ماميننٸڭ, پارلامەنت مەجٸلٸسٸنٸڭ تٶراعاسى, پارتييا فراكتسيياسىنىڭ باسشىسى ن.نىعماتۋليننٸڭ, پارلامەنت مەجٸلٸسٸنٸڭ دەپۋتاتى, «Nur Otan» پارتيياسى ٶڭٸرلٸك دامۋ جٶنٸندەگٸ قوعامدىق كەڭەسٸنٸڭ تٶراعاسى يۋ.كۋچينسكايانىڭ, «Nur Otan» پارتيياسى شىمكەنت قالالىق فيليالىنىڭ تٶراعاسى م.ەيتەنوۆتٸڭ, «Nur Otan» پارتيياسى پاۆلودار اۋداندىق فيليالى تٶراعاسىنىڭ بٸرٸنشٸ ورىنباسارى, «Nur Otan» پارتيياسىنىڭ اۋداندىق مەسليحاتتاعى فراكتسيياسىنىڭ باسشىسى, قازاقستان حالقى اسسامبلەياسىنىڭ مٷشەسٸ ۆ.گەينتستٸڭ, «Nur Otan» پارتيياسىنىڭ مٷشەسٸ, باتىس قازاقستان وبلىسى, بٶرلٸ اۋىلدىق وكرۋگىنىڭ ەكٸمٸ ە.زاريفوۆتىڭ باياندامالارى تىڭدالدى.
ەلباسى پرەمەر-مينيستر مەن پارلامەنت مەجٸلٸسٸ تٶراعاسىنىڭ باياندامالارىنان سوڭ بيلٸكتٸڭ اتقارۋشى جەنە زاڭ شىعارۋشى تارماعى پارتييانىڭ سايلاۋالدى باعدارلاماسىن جٷزەگە اسىرۋدا ٷيلەسٸمدٸ جۇمىس ٸستەگەنٸن ەرەكشە اتاپ ٶتتٸ.
نۇرسۇلتان نازارباەۆ مەملەكەتٸمٸزدٸڭ الدىندا تۇرعان سىن-قاتەرلەرگە, سونداي-اق پارتييانىڭ كەلەشەك ستراتەگييالىق ماقساتتارىنا جان-جاقتى توقتالدى.
– قازاقستان تەۋەلسٸزدٸكتٸڭ تٶرتٸنشٸ ونجىلدىعىنا قادام باسۋدا. بۇل اۋقىمدى ٶزگەرٸستەرگە, قيىن دا جاۋاپتى شەشٸمدەرگە تولى كەزەڭ بولارى انىق. قازٸردٸڭ ٶزٸندە پاندەمييانى توقتاتۋ قيىنعا سوعۋدا. بٷگٸندە اۋقىمدى ٶزگەرٸستەر بولىپ جاتىر. وعان اقپاراتتىق تەحنولوگييالار مەن جاسىل ەنەرگەتيكانىڭ قارقىندى ەنگٸزٸلۋٸ دە ەسەر ەتۋدە, – دەدٸ ەلباسى.
قازاقستاننىڭ تۇڭعىش پرەزيدەنتٸ ادامزات الدىندا تۇرعان بٸرقاتار سىن-قاتەرلەردٸ اتاپ ٶتتٸ. سونىڭ ٸشٸندە جاڭا پاندەمييالارعا قارسى كٷرەسكە, ەكولوگييالىق پروبلەمالار مەن جاھاندىق جىلىنۋدىڭ تەرٸس ەسەرٸنٸڭ كٷشەيۋٸنە, ەلەمدٸك ەكونوميكانىڭ ٶزگەرۋٸنە وراي ەلدەردٸڭ بەسەكەگە قابٸلەتتٸلٸگٸنٸڭ تٶمەندەۋٸنە, گەوساياسي شيەلەنٸستٸڭ ٶرشۋٸنە, سونداي-اق قوعامدىق پٸكٸر مەن قۇندىلىقتاردىڭ كٷرت ٶزگەرۋٸنەن ساياسي الاۋىزدىق بەلەڭ الاتىنىنا نازار اۋداردى.
– جاھاندىق تۇراقسىزدىق ۇزاققا سوزىلۋى مٷمكٸن. وسى ورايدا پارتييانىڭ سوڭعى پارلامەنت سايلاۋىنداعى «قيىندىقتى ەڭسەرٸپ, جەڭٸسكە بٸرگە جەتەمٸز!» دەگەن ۇرانىنىڭ ٶزەكتٸلٸگٸ ارتا تٷسۋدە. بٸز بٷكٸل قوعامنىڭ مٷددەسٸن قورعايتىن تسەنتريستٸك ۇستانىمدى ساقتاۋىمىز قاجەت ەكەنٸن تاعى دا اتاپ ٶتكٸم كەلٸپ وتىر. پارتييانىڭ مٸندەتٸ – حالىقتى بٶلٸپ-جارۋ ەمەس, بٸرٸكتٸرۋ, – دەدٸ نۇرسۇلتان نازارباەۆ.
ەلباسى پارتييا فراكتسيياسى دەپۋتاتتارىنىڭ پاندەمييا كەزٸندەگٸ تيٸمدٸ جۇمىسىنا توقتالىپ, بارشا قازاقستاندىقتار پرەزيدەنتتٸڭ مەملەكەتتٸك باعدارىن قولداپ, سونىڭ اياسىندا جۇمىلۋى ماڭىزدى ەكەنٸنە باسا مەن بەردٸ.
– مەن پارتييامىزدىڭ نەگٸزٸن قالاپ, وعان وسى جىلدار ٸشٸندە باسشىلىق ەتتٸم. «Nur Otan» پارتيياسىن ەل پرەزيدەنتٸ باسقارىپ, ونىڭ ساياساتى مەن ستراتەگيياسىن ٶزٸ ايقىنداپ وتىرۋى ماڭىزدى ەكەنٸن جاقسى بٸلەمٸن. بۇعان دەيٸن دە سولاي بولدى. بٸز پارتييا جارعىسىنا سٷيەنە وتىرىپ, شەشٸم قابىلداۋىمىز كەرەك. بۇل – بٸزدٸڭ بٸرلٸگٸمٸزدٸ كٶرسەتەتٸن قادام, – دەدٸ قازاقستاننىڭ تۇڭعىش پرەزيدەنتٸ.
نۇرسۇلتان نازارباەۆ مەملەكەتتٸك باعداردىڭ ساباقتاستىعى مەن تۇراقتىلىعىنا نەگٸز بولاتىن پارتييانىڭ ۇزاق مەرزٸمدٸ كٶشباسشىلىعىن قامتاماسىز ەتۋ ماڭىزدى ەكەنٸنە نازار اۋداردى. ەلباسى اتاپ ٶتكەندەي, ول ٷشٸن «Nur Otan» پارتيياسى ٷنەمٸ جاڭعىرىپ وتىرۋعا, زامان تالابىنا ساي ەرٸ ٶزگەرٸستەرگە دايىن بولۋعا, حالىق مٷددەسٸن باسشىلىققا الۋعا, الدىنا ايقىن ماقسات قويىپ, وعان جەتۋدٸڭ ناقتى جولدارىن تابۋعا, بيلٸك ورگاندارىنىڭ, قوعامدىق ينستيتۋتتاردىڭ تيٸمدٸ ىقپالداستىعىن قامتاماسىز ەتۋگە تيٸس, سونداي-اق قوعامدى پارتييا قۇندىلىقتارى تٶڭٸرەگٸنە بٸرٸكتٸرۋٸ كەرەك.
– بٸز تەۋەلسٸزدٸكتٸڭ وتىز جىلدىعىن ايتۋلى جەتٸستٸكتەرمەن قارسى الىپ وتىرمىز. قۋاتتى ەلگە اينالىپ, بٸرلٸگٸ بەكەم قوعام قۇردىق. وتىز جىلدا 9,5 ميلليوننان استام سەبي دٷنيەگە كەلدٸ. بۇل – كٶزٸ اشىق, كٶكٸرەگٸ وياۋ, ساناسى ازات, ويى وزىق جاڭا بۋىن. مەملەكەتتٸلٸكتٸ ساقتاپ, «مەڭگٸلٸك ەل» جالپىۇلتتىق يدەياسىن اقيقاتقا اينالدىرۋ وسى ۇرپاقتىڭ تاريحي ميسسييا دەپ سانايمىن, – دەدٸ قازاقستاننىڭ تۇڭعىش پرەزيدەنتٸ.
جيىندا ەلباسى جاڭا دەۋٸردەگٸ قازاقستاندىقتارعا باعدار بولاتىن «ەلدٸكتٸڭ جەتٸ تۇعىرى» اتتى قاعيداتتار جيىنتىعىن ۇسىندى.
– بٸز تەۋەلسٸزدٸگٸمٸزدٸ نىعايتىپ, ەل تۇتاستىعىن ساقتاپ, وتباسىلىق قۇندىلىقتاردى قولداپ, ۇلتتىق مەدەنيەتٸمٸزدٸ ناسيحاتتاپ, تەرەڭ بٸلٸم مەن ادال ەڭبەككە دەن قويۋ ارقىلى جاسامپاز ەل بولامىز, – دەدٸ نۇرسۇلتان نازارباەۆ.
