QR Prezidenti Nursultan Nazarbaev Astana qalasyndaǵy paralimpiialyq jattyǵý ortalyǵyna bardy, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy jazǵy jáne qysqy paralimpiialyq sport túrleri boiynsha ulttyq qurama komandalar men sporttyq rezervti sapaly ári kásibi daiyndaý úshin salynǵan elordanyń jańa biregei sport keshenimen tanysty.
Nursultan Nazarbaev oiyn zalyn, kúres zaly men jattyǵý bólmelerin aralap kórip, sportshylarmen jáne bapkerler quramymen áńgimelesti.
«Ózderińizdiń tabandylyqtaryńyz ben erik-jigerlerińizdiń arqasynda elimizdiń dańqyn asqaqtatyp júrsizder. Men sizderdiń eńbekterińiz ben órshil qasietterińizge tántimin. Sizder barsha jurtqa laiyqty úlgi kórsetip kelesizder», - dedi Qazaqstan Prezidenti.
Nysandy aralap kórý barysynda Memleket basshysy XII qysqy paralimpiia oiyndarynyń chempiony Aleksandr Koliadinge sporttaǵy jetistigi úshin estelikke syilyq tartý etti.
Sonymen qatar, sporttyq nysannyń ashylý rásiminde Aziia Paralimpiialyq komitetiniń prezidenti Madjid Rashed Nursultan Nazarbaevqa osy uiymnyń Qurmet Ordenin tapsyrdy.
M.Rashed bul syilyq Qazaqstan Prezidentiniń elimizdegi paralimpiialyq qozǵalysqa qosqan zor úlesin, sondai-aq Elbasynyń erekshe muqtaj adamdardy áleýmettik qorǵaý jáne barlyq azamattar úshin birdei múmkindikterdi qamtamasyz etý arqyly turaqty qoldaý kórsetýin moiyndaýdyń belgisi ekenin atap ótti.
.jpeg)