Búgin alǵash ret uiymdastyrylǵan «Nur Otan» partiiasy bastaýysh uiymdarynyń respýblikalyq forýmynda qorytyndy jiyn ótip, delegattar plenarlyq otyrysqa qatysty. Is-shara barysynda «Nur Otan» partiiasy Tóraǵasynyń Birinshi orynbasary Máýlen Áshimbaev Elbasy, partiia Tóraǵasynyń quttyqtaý sózin oqyp, Memleket basshysynyń Forým qatysýshylaryna arnaǵan ystyq yqylasyn jetkizdi, dep habarlaidy atalǵan partiianyń baspasóz qyzmeti.
Sondai-aq, bastaýysh uiymdardyń tóraǵalary, belsendi partiia músheleri, memlekettik organ ókilderi men Parlament depýtattary sóz alyp, osyndai aýqymdy basqosýdyń mańyzyna toqtalyp ótti. Odan bólek, Forýmda bastaýysh partiia uiymdarynyń qyzmetin jandandyrý tujyrymdamasy maquldanyp, aldaǵy basym baǵyttar anyqtaldy jáne «Úzdik bastaýysh partiia uiymdary» respýblikalyq baiqaýynyń jeńimpazdary marapattaldy.
Elbasy óziniń quttyqtaý sózinde «Nur Otan» partiiasynyń 20 jyldyq mereili belesine orai ótkizilip otyrǵan Bastaýysh partiia uiymdary birinshi forýmynyń ashylýymen quttyqtap, bul aitýly oqiǵa partiianyń eń basty resýrsy onyń músheleri, iaǵni Otanymyzdyń damýyna, órkendep, gúldene túsýine eleýli úles qosyp kele jatqan qoǵamnyń eń belsendi ári jaýapty ókilderi ekenin kórsetetinin atap ótken.
«Búginde bizdiń aldymyzda Qazaqstandy álemdegi básekege qabiletti 30 memlekettiń qataryna qataryna engizetin jańa damý modelin qalyptastyrý mindeti tur. Men biylǵy Joldaýymda elimizdiń damý deńgeii árbir azamatymyzdyń ál-aýqatymen ólshenetinin atap óttim. «Nur Otan» partiiasy jetekshi saiasi kúsh retinde damýdyń lokomotivi bolyp qana qoimai, sonymen birge ár qazaqstandyqtyń memlekettiń áleýmettik saiasatynyń igiligin sezinýiniń kepili de bolýy tiis. Bul maqsattarǵa qol jetkizý úshin partiiamyzdyń ózi de jetilip, zamanaýi úrdister men talaptarǵa sai jumys isteýge beiimdelgeni jón», - delingen Memleket basshysynyń quttyqtaý hatynda.
Sondai-aq partiia Tóraǵasy Saiasi keńestiń biylǵy maýsym aiyndaǵy keńeitilgen otyrysynda partiianyń júieli jańǵyrý úderisi bastalǵanyna jáne onyń basty baǵyttarynyń biri - bastaýysh partiia uiymdarynyń jumysyn jandandyrý ekenine nazar aýdarǵan.
«Búgingi basqosý partiia qyzmetine tyń serpin berip, jumys tásilderin jetildirý jolyndaǵy mańyzdy qadam bolady dep senemin. Tájiribesi mol jergilikti saiasi kóshbasshylar jetekshilik etip otyrǵan bastaýysh partiia uiymdary - kadrlyq rezervti qalyptastyrýdyń negizgi kózi. Olar sondai-aq azamattarmen jáne qoǵamdyq uiymdarmen yqpaldastyq ornatýdyń da mańyzdy býyny bolýǵa tiis. Partiiamyzdyń aldynda turǵan jańǵyrý úderisin tabysty júzege asyrý - sizderdiń kúsh-jigerlerińizge tikelei bailanysty. Barshańyzǵa el igiligi men halqymyzdyń ál-aýqatyn arttyrý jolynda jańa jetistikter tileimin», - delingen Elbasynyń quttyqtaýynda.
Odan bólek, jiynda atalǵan Forýmnyń partiianyń 20 jyldyǵyna arnalǵan sharalardyń basy ekeni de aityldy.
- Ózderińizge belgili, kelesi jyly partiiamyzdyń mereitoiyn atap ótemiz. Osy jyldar ishinde bizdiń partiiamyz elimizdegi jetekshi saiasi uiym retinde qalyptasý jolynan súrinbei ótti. Partiia negizi qalanǵan kúnnen bastap ekonomikalyq, áleýmettik jáne saiasi saladaǵy Elbasy saiasatynyń basty ári negizgi oryndaýshysy bolyp keledi. Sodan beri biz barsha qazaqstandyqtardy Prezident reformalaryn qoldaýǵa jumyldyryp, aýqymdy jumystardy atqardyq dep aitýǵa tolyq negiz bar. Bul iste bastaýysh uiymdarymyzdyń mańyzy zor. Partiiamyzdyń negizin dál osy sizder, iaǵni bastaýysh uiymdar qurap otyr. Bizdiń jeńisterimiz ben jetistikterimizdiń barlyǵy sizderdiń eren eńbekterińizdiń jemisi, - dedi Máýlen Áshimbaev.
Búginde «Nur Otannyń» 17 - aimaqtyq jáne 230 aýmaqtyq filialy men 6 myńǵa jýyq bastaýysh partiia uiymy bar.
Sonymen qatar «Nur Otan» partiiasy Tóraǵasynyń Birinshi orynbasary jahandyq syn-qaterlerge laiyqty tótep berý maqsatynda Elbasy naqty maqsat-mindetterdi aiqyndap bergenin, olardy nátijeli júzege asyrý úshin aldymen partiianyń ózi HHI ǵasyrdyń barlyq talaptaryna sai, tiimdi, joǵary tehnologiialy, innovatsiiaǵa beiim, básekege qabiletti saiasi uiym bolýy tiis ekenin jetkizdi.
Sondai-aq ol osy maqsatta qolǵa alynǵan partiia qyzmetin jańǵyrtý bastamasynyń alǵashqy nátijelerine de nazar aýdardy. Ótken maýsym aiynda bastaý alǵan partiialyq jańǵyrý aiasynda búginde elimizde jastarymyzdyń baǵdarlamalaý, robot tehnikasy, 3D-modeldeý negizderin jetik meńgerip, osy salada tereń bilim alýyna múmkindik beretin 761 IT-synyp ashylyp, onda 22 myńnan astam mektep oqýshysy bilim alýda. Onyń teń jartysynyń aýyl-aimaqtarda ashylýy kóńil qýantady.
Odan bólek, partiianyń bastamasymen elimiz boiynsha 24 IT-ortalyq ashylyp, onda 1600-den astam azamat jańa tehnologiialar boiynsha bilim aldy. Basqa partiialyq jobalar boiynsha da aitarlyqtai naqty nátijelerge qol jetkizilgen. Máselen, el kóleminde mektep janyndaǵy 47 sport alańy jańartylyp, qaita jabdyqtaldy. Kitaphanalar bazasynda 120-ǵa jýyq zamanaýi bilim ortalyǵy ashyldy. Sonyń ishinde aýyldyq jerlerdegi kitaphanalardy da erekshe atap ótken jón. Jasotandyq eriktiler aýyl balalaryna aǵylshyn tilin úiretý úshin belsendi jumys isteýde. Mektep ashanalaryn jańǵyrtý jobasy boiynsha da tiisti jumystar júrgizilip jatyr.
- Bul jobalardyń bári - Elbasymyzdyń intellektýaldy, deni saý jáne básekege qabiletti ult qalyptastyrý jolyndaǵy igi bastamalarynyń laiyqty jalǵasy jáne ajyramas bir bóligi, - dedi Máýlen Áshimbaev.
Budan basqa, partiia Tóraǵasynyń Birinshi orynbasary partiianyń Ortalyq apparaty men barlyq filialdarynyń jáne bastaýysh partiia uiymdarynyń aldynda turǵan basym baǵyttarǵa toqtalyp ótti.
- Birinshiden, Elbasy Joldaýynyń strategiialyq mańyzyn eskere otyryp, «Nur Otan» partiiasy onyń tiimdi júzege asyrylýyn qamtamasyz etetin negizgi kúshke ainalýy tiis. Osy baǵytta qoǵamdyq baqylaý jumystaryn kúsheitip, onyń máni men mańyzyn ár qazaqstandyqqa jetkizýde belsendi áreket etýimiz kerek. Ekinshiden, partiianyń kadrlyq áleýetin arttyrý úshin bastaýysh uiymdardyń belsendi músheleri men kóshbasshylarynyń biliktiligin molynan paidalanýymyz kerek. Partiianyń kadrlyq rezervin qalyptastyrýda osy máseleni mindetti túrde eskergen jón. Úshinshiden, bastaýysh uiymdarymyzdyń halyqpen jumys tiimdiligin odan ári arttyrý qajet. Ol úshin jetekshilerdiń ózderi saiasi tájiribege bai, ideologiia, menedjment, psihologiia siiaqty salalarda saýatty bolýy tiis. Tórtinshiden, bastaýysh partiia uiymdarynyń materialdyq-tehnikalyq bazasyn kúsheitý kerek. Besinshiden, partiia jumysynda tsifrlyq tehnologiialardy keńinen qoldanyp, «Tsifrly partiia» jobasyn júzege asyrýda belsendi áreket etýge tiispiz. Altynshydan, belsendi azamattar men jastardy jumyldyrý arqyly partiia jumysyn kúsheitýdiń mańyzy zor, - dedi Máýlen Áshimbaev.
«Nur Otan» partiiasy Tóraǵasynyń Birinshi orynbasary osy basymdyqtardy júzege asyrý úshin barlyq partiia filialdarynyń bastaýysh uiymdarǵa qoldaý kórsetýin mindettep, aldaǵy ýaqytta bul áreket olardyń jumys tiimdiligin baǵalaýda eskeriletinin jetkizdi.
Erekshe atap óter jait, Elbasy, partiia Tóraǵasynyń bastamasymen budan bylai bastaýysh partiia uiymdarynyń Forýmy dástúrge ainalyp, eki jylda bir ret ótkizilip turatyn boldy. Bul partiia jumysyna qatysty kez kelgen máseleni talqylap, pikir almasýǵa múmkindik beretin jańa alań bolmaq.
Is-shara barysynda Parlament Senatynyń depýtaty, Qazaqstan Respýblikasy Prezidentiniń Bes áleýmettik bastamasynyń júzege asyrylýyn baqylaý jónindegi qoǵamdyq keńestiń tóraǵasy Baqytjan Jumaǵulov, Parlament Májilisiniń depýtaty, «Nur Otan» partiiasy fraktsiiasy jetekshisiniń orynbasary Nurtai Sabilianov, Eńbek jáne halyqty áleýmettik qorǵaý ministri Mádina Ábilqasymova sóz alyp, óz taraptarynda atqarylǵan jumystar jaiyn baiandap berdi.
Óz kezeginde «Nur Otan» partiiasynyń Hatshysy Tamara Dúisenova bastaýysh partiia uiymdarynyń jumysyn jandandyrý baǵytynda qolǵa alynǵan naqty jumystarǵa jan-jaqty toqtalyp ótti. Belsendi partiia músheleri men ár óńirden kelgen bastaýysh partiia uiymdarynyń basshylary da kóterilgen máselege qatysty ózekti pikirleri men utymdy oilaryn jetkizdi.
Barlyq usynystar jiyn kezinde qatysýshylar tarapynan qoldap tapqan Bastaýysh partiia uiymdarynyń qyzmetin jandandyrý tujyrymdamasynda eskeriletin bolady. Atalǵan tujyrymdamada aǵymdaǵy jaǵdai men bastaýysh partiia uiymdarynyń damý barysy jan-jaqty taldanǵan. Sondai-aq saiasi partiialardyń bastaýysh uiymdarynyń jumysyn uiymdastyrýdaǵy halyqaralyq tájiribelerge de nazar aýdarylǵan. Eń bastysy, bul qujatta bastaýysh uiymdardyń jumysyn jetildirý, sapaly partiialyq aktiv pen kásibi kadrlyq rezerv qalyptastyrý, ózekti máselelerdi anyqtaý tehnologiialary men olardy sheshýdiń tiimdi tetikteri, tsifrly tehnologiialar men aqparattyq-kommýnikatsiialyq jumysty jandandyrý jáne bastaýysh uiymdardyń basqarý júiesinde jańa jumys formattaryn engizýdiń utymdy joldary aiqyn kórsetilgen.
Jiyn sońynda «Úzdik bastaýysh partiia uiymdary» respýblikalyq baiqaýynyń jeńimpazdary men júldegerleri marapattaldy.
Aita keteiik, keshe Forýmnyń birinshi jumys kúninde túrli taqyrypta paneldi sessiialar ótip, partiialyq jumystyń halyqaralyq tájiribesi, buqaralyq aqparat quraldary men áleýmettik jelilerdegi jumystyń zamanaýi tehnologiialary, partiialyq kadrlyq rezerv qalyptastyrý, bastaýysh uiym jumysyn baǵalaý júiesi jáne taǵy basqa da kóptegen máseleler talqylandy.
