Memleket basshysy «KIMEP ýniversiteti» aktsionerlik qoǵamynyń prezidenti Chan Ian Bengti qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Kezdesý barysynda Nursultan Nazarbaevqa KIMEP ýniversitetiniń qazirgi jumysy jáne osy oqý ornyn damytý josparynyń iske asyrylýy jóninde málimet berildi.
Qazaqstan Prezidenti qazirgi zaman ekonomikasynyń talaptaryna sai bilikti mamandar daiyndaý isindegi ýniversitet jumysynyń tiimdiligin atap ótti.
- Ýniversitet 1992 jyly qurylǵan. Osy jyldar ishinde 12 myńǵa jýyq stýdent oqýyn bitirip shyqty. Búginde munda álemniń ártúrli elderinen kelgen oqytýshy-professorlar quramy eńbek etedi. 29 bilim baǵdarlamasy boiynsha 2109 stýdent aqyly negizde oqyp jatyr, - dedi Elbasy.
Ch.Beng ýniversitet túlekteriniń 93 paiyzy oqý bitirgen soń 6 aidyń ishinde jumysqa ornalasatynyn aitty.
Sonymen qatar, «KIMEP ýniversiteti» aktsionerlik qoǵamynyń prezidenti biyl oqý orny Bilim berý sapasyn qamtamasyz etý jónindegi táýelsiz agenttiktiń tujyrymy boiynsha ǵylym jáne bilim salasyn damytý isinde úzdik dep tanylǵanyn atap ótti.
