Bolashaǵy joq aýyldardyń turǵyndaryn keleshegi zor eldi mekenderge kóshirý qajet. Bul týraly «Nur Otan» partiiasy Saiasi keńesiniń keńeitilgen otyrysynda QR Tuńǵysh Prezidenti Nursultan Nazarbaev aitty, dep habarlaidy QazAqparat.
«Úlken biýdjet qarajaty keleshegi joq eldi mekenderdi ustaýǵa jumsalady. Is júzinde olar - toǵysharlar. Bizde 7,7 myń eldi mekenniń bar ekenin, onyń 1,8 myńynyń keleshegi zor ekendigin, solarǵa nazar aýdarý qajettigin aitqan bolatynbyz. Bizdiń dalamyz óte úlken, keń. Ana tóbeniń túbinde bir aýyl bar, ol jerde 10 úi bar. Mynaý tóbeniń astynda 50 úili bir aýyl bar. Qaisysyna biz jol aparamyz, qaisyna mektep, aýrýhana salamyz? Aityńyzdarshy, 10 úi úshin aýrýhana nemese mektep salýymyz kerek pe? Bul - ónimsiz is», - dedi Elbasy.
Osy rette, Qazaqstannyń Tuńǵysh Prezidenti Avstraliia men Kanadanyń da jer kólemi úlken ekendigin eske saldy.
«Biz ortalyq boiynsha damimyz. Bul eshqandai jaǵdai jasalmaidy degendi bildirmeidi. Keshe Asqar Uzaqbaiuly (Úkimet basshysy – Mamin) biz osy baǵytta jumys istep jatqanymyzdy baiandady. Olardy keleshegi bar óńirlerge kóshirý qajet. Ol jerlerde mektep, aýrýhana salynyp, jol túsedi, infraqurylym jasalady», - dedi N.Nazarbaev.
Elbasynyń paiymynsha, bul memleketke arzanǵa túsedi.
