بولاشاعى جوق اۋىلداردىڭ تۇرعىندارىن كەلەشەگٸ زور ەلدٸ مەكەندەرگە كٶشٸرۋ قاجەت. بۇل تۋرالى «Nur Otan» پارتيياسى ساياسي كەڭەسٸنٸڭ كەڭەيتٸلگەن وتىرىسىندا قر تۇڭعىش پرەزيدەنتٸ نۇرسۇلتان نازارباەۆ ايتتى, دەپ حابارلايدى قازاقپارات.
«ٷلكەن بيۋدجەت قاراجاتى كەلەشەگٸ جوق ەلدٸ مەكەندەردٸ ۇستاۋعا جۇمسالادى. ٸس جٷزٸندە ولار - توعىشارلار. بٸزدە 7,7 مىڭ ەلدٸ مەكەننٸڭ بار ەكەنٸن, ونىڭ 1,8 مىڭىنىڭ كەلەشەگٸ زور ەكەندٸگٸن, سولارعا نازار اۋدارۋ قاجەتتٸگٸن ايتقان بولاتىنبىز. بٸزدٸڭ دالامىز ٶتە ٷلكەن, كەڭ. انا تٶبەنٸڭ تٷبٸندە بٸر اۋىل بار, ول جەردە 10 ٷي بار. مىناۋ تٶبەنٸڭ استىندا 50 ٷيلٸ بٸر اۋىل بار. قايسىسىنا بٸز جول اپارامىز, قايسىنا مەكتەپ, اۋرۋحانا سالامىز? ايتىڭىزدارشى, 10 ٷي ٷشٸن اۋرۋحانا نەمەسە مەكتەپ سالۋىمىز كەرەك پە? بۇل - ٶنٸمسٸز ٸس», - دەدٸ ەلباسى.
وسى رەتتە, قازاقستاننىڭ تۇڭعىش پرەزيدەنتٸ اۆسترالييا مەن كانادانىڭ دا جەر كٶلەمٸ ٷلكەن ەكەندٸگٸن ەسكە سالدى.
«بٸز ورتالىق بويىنشا داميمىز. بۇل ەشقانداي جاعداي جاسالمايدى دەگەندٸ بٸلدٸرمەيدٸ. كەشە اسقار ۇزاقبايۇلى (ٷكٸمەت باسشىسى – مامين) بٸز وسى باعىتتا جۇمىس ٸستەپ جاتقانىمىزدى باياندادى. ولاردى كەلەشەگٸ بار ٶڭٸرلەرگە كٶشٸرۋ قاجەت. ول جەرلەردە مەكتەپ, اۋرۋحانا سالىنىپ, جول تٷسەدٸ, ينفراقۇرىلىم جاسالادى», - دەدٸ ن.نازارباەۆ.
ەلباسىنىڭ پايىمىنشا, بۇل مەملەكەتكە ارزانعا تٷسەدٸ.
