Qazaqstan Prezidenti Nursultan Nazarbaev Astanada QR Kásipodaqtar federatsiiasynyń kezekten tys XXV seziniń qatysýshylaryna quttyqtaý lebizin joldady, dep habarlaidy QazAqparat.
QR Memlekettik hatshysy Gúlshara Ábdiqalyqova Qazaqstan Prezidenti Nursultan Nazarbaevtyń quttyqtaý hatyn oqyp berdi.
Óz sózinde Memleket basshysy Qazaqstan qoǵamyndaǵy kásipodaq qozǵalysynyń úlken bedelin atap ótti. Onyń aitýynsha, búginde qazaqstandyq kásipodaq uiymdary eńbekkerler quqyqtaryn tabysty qorǵap, eńbek jaǵdaiy men qaýipsizdikti jaqsartyp keledi.
Kásipodaqtar 2,8 mln qazaqstandyqtyń jumys ornyn saqtap qalýǵa yqpal etken.
Sonymen birge, sezge qatysýshylary aldynda QR Eńbek jáne halyqty áleýmettik qorǵaý ministri Mádina Ábilqasymova men Halyqaralyq eńbek uiymynyń Qazaqstandaǵy ulttyq úilestirýshisi Talǵat Ómirjanov sóz sóiledi.
Jalpy QR Kásipodaqtar federatsiiasy seziniń jumysyna Qazaqstannyń barlyq óńirlerindegi salalyq kásipodaq uiymdary atynan 200-den astam delegat qatysýda.
.jpeg)