QR Tuńǵysh Prezidenti - Elbasy Nursultan Nazarbaev memleket pen qoǵamnyń barlyq salasynda bolatyn ózgeristerdi baiandady, dep habarlaidy elbasy.kz saity.
«Eń aldymen, barlyq memleket óziniń ekonomikalyq strategiiasyn qaita qarap jatyr. Derbes tabysqa, óz resýrsyna arqa súieýge, óndiristik jáne qarjylyq tizbektiń senimdi bolýyna basymdyq beriledi. Ekinshiden, jańa salalyq basymdyqtar qalyptasady. Tiimsiz sektorlar joǵalady. Alaida, ózge salalar kóshbasshy atanyp, ekonomikany damytady, adamdardy jumyspen qamtidy. Úshinshiden, barlyq aýqymdy daǵdarystar álemniń tehnologiialyq jáne ekonomikalyq retiniń tsikldyq aýysymymen bailanysty jáne qazir eski modeldiń qiraýy júrip jatyr», - dedi Nursultan Nazarbaev Qaýipsizdik Keńesiniń otyrysynda.
Elbasy Qazaqstanda jahandyq syn-qaterdi eńserýge qajetti barlyq resýrstar bar ekenin atap ótti.
«Ótken jyldary shikizattyq resýrsqa táýeldilikti azaitý úshin aýqymdy jumys júrgizdik. Sondyqtan, barlyq negizgi damý baǵdarlamalary - indýstriialandyrý, shaǵyn jáne orta biznes, infraqurylymdar, agroónerkásiptik keshen, áleýmettik baǵdarlamalar ázirlendi. Olarǵa úlken resýrs bólindi. Ulttyq qorda aýqymdy qarajat kólemin jinadyq. Bul qor kezekti ret elimizdi daǵdarystan qutqarýda. Biraq, ony da sheksiz paidalanýǵa bolmaidy, únemmen qajet kezde ǵana qoldanǵan jón», - dedi Tuńǵysh Prezident.
Aita keteiik, búgin Nursultan Nazarbaevtyń tóraǵalyǵymen beinekonferentsiia rejiminde Qaýipsizdik Keńesiniń otyrysy ótti. Otyrysta koronavirýs epidemiiasymen kúrestiń, ekonomikany qalpyna keltirý men memlekettiń daǵdarystan keiingi damýynyń strategiialyq máseleleri qaraldy.
