Aqordada ótip jatqan bilik tarmaqtary arasyndaǵy ókilettikterdi qaita bólý jónindegi jumys tobynyń kezekti otyrysynda Elbasy Nursultan Nazarbaev málim etti, dep habarlaidy Ult.kz tilshisi QazAqparat agenttigine silteme jasap.
«Biz úshin bir aiqyn másele - Qazaqstannyń negizgi saiasi modeli saqtalady. Prezidenttik respýblika bolyp qala beredi. Sonymen birge memlekettik basqarý júiesi dáýir talabyna sai ikemdi bolýy tiis. Reformalardyń nátijesinde biliktiń bir tarmaǵy ókilettigin tolyq ielenip, derbes jumys isteidi. Soǵan sáikes ár tarmaǵy jaýapkershilikti de sezinýi tiis. Ókiletti biliktiń Úkimet pen atqarýshy organdarǵa baqylaýy kúsheiedi», - dep atap ótti Memleket basshysy.
Qazaqstan Prezidentiniń paiymynsha, bul memlekettiń kásibiligin arttyrýmen qatar Konstitýtsiiadaǵy biliktiń birden bir bastaýy halyq degen qaǵidany bekite túsedi.
«El bolashaǵy úshin airyqsha mańyzdy osy qujattyń taǵdyryn biz sheshýimiz kerek. Ári qarai ne isteýimiz kerek ekendigine búgin qorytyndy jasap, qashan Parlamentke talqylaýǵa túsetindigin kelisýimiz kerek. Konstitýtsiianyń 23 babyna ózgeris engiziletin boldy, zańdarǵa 35 ózgeris engiziledi. Bul jerde aita ketetin negizgi másele, osynyń barlyǵy - Prezidenttegi ókilettikterdi basqa tarmaqtarǵa berý bolyp otyr. Ózderińiz de bilesizder, basqa elderde, kerisinshe, prezidenttiń ókilettigin joǵarylatý úshin referendýmdar ótkizip, konstitýtsiialyq ózgerister engizip jatyr. Bizde, kerisinshe. Sebebi 25 jyldyń ishinde prezidenttik basqarý júiesi halyq aldyndaǵy bar maqsatyn oryndady», - dedi Nursultan Nazarbaev.
.jpeg)