Qazaqstan Prezidenti Nursultan Nazarbaev el halqyn Konstitýtsiia kúni merekesimen quttyqtady, dep habarlaidy "Ult aqparat" Aqordanyń baspasóz qyzmetine silteme jasap.
«Qymbatty otandastar! Barshańyzdy Qazaqstan Respýblikasynyń Konstitýtsiiasy kúnimen quttyqtaimyn! Elimizdiń Ata zańy ýaqyt synynan súrinbei ótip, tarihi damýymyzdyń jalpyulttyq baǵdaryn aiqyndaýda basty mánge ie bolyp otyrǵanyn dáleldedi.
Konstitýtsiia memlekettiligimizdiń berik irgetasyn qalai otyryp, ishki saiasi turaqtylyqty qamtamasyz etýge jáne Qazaqstan qoǵamyn biriktirýge zor úles qosty.
Ata zańymyzda jariialanǵan zań ústemdigi, quqyqtar men bostandyqtardyń múltiksiz saqtalý qaǵidattary, áleýmettik kepildikter men jalpy adamzatqa ortaq joǵary qundylyqtar árbir azamattyń janyna jaqyn ári túsinikti», - delingen Elbasynyń quttyqtaýynda.
Sondai-aq Memleket basshysy qazirgi kezeńdegi qoǵamdyq jáne memlekettik qurylystyń konstitýtsiialyq normalary - búkil Qazaqstan halqy úshin senimdi bolashaqty qamtamasyz etetin dáiekti damý men jańǵyrý úderisteriniń negizi ekenin atap ótti.
«Osy merekege orai barsha qazaqstandyqtarǵa beibit ómir, igi bastamalar men baq-bereke tileimin!», - dedi N.Nazarbaev.
.jpeg)