Búgin Aqordada Qazaqstan Prezidenti Nursultan Nazarbaev elimizde tirkelgen diplomatiialyq missiialar men halyqaralyq uiym ókildikteriniń basshylarymen dástúrli kezdesýin ótizýde, dep habarlaidy QazAqparat.
«Búgin Qazaqstanda tirkelgen diplomatiialyq missiialar men halyqaralyq uiymdar basshylarymen jylda ótkiziletin dástúrli kezdesýimizdi ótkizgeli otyrmyz. Degenmen qazirgi sharanyń orny erekshe dep sanaimyn. Bul elimizdiń syrtqy saiasatynyń mereitoily jylynda ótýde. Osydan dál 25 jyl buryn men qazaqstandyq diplomatiialyq qyzmet qurý týraly Jarlyqqa qol qoiyp, Qazaqstannyń syrtqy saiasat júiesin taǵaiyndǵan bolatynmyn. Qazirgi tańda 2 shilde, keshegi kún Qazaqstannyń diplomatiialyq qyzmet kúni dep atalatyn erekshe merekege ainaldy. Osyǵan bailanysty men Qazaqstan diplomattaryn shyn júrekten osy merekemen quttyqtaimyn. Istegen jumystaryna alǵysymdy bildiremin», - dedi kezdesýdi ashqan Qazaqstan Prezidenti.
Memleket basshysy táýelsizdiktiń alǵashqy jyldarynda bizdiń syrt álemmen bailanys jasaý tájiribemiz qalyptasqandyǵyn atap ótti.
«Qazaqstannyń óz diplomatiiasy bolmaǵan. Diplomatiialyq kadrlar da bolmǵan edi dep aitýǵa bolady. Bul máselege bir jaǵynan eldegi qiyn áleýmettik-ekonomikalyq jaǵdai qosyldy. Sondyqtan biz qiyn jaǵdaida, joq jerden jańa diplomatiialyq júie quryp, óz elshilerimizdiń dúniejúziniń elderinde taǵaiyndaý múmkindigin aldyq. Endi mine shirek ǵasyrdan keiin otandyq syrtqy saiasat qalyptasty. Ol eldiń igiligine jumys istep jatyr dep aita alamyz», - dedi Nursultan Nazarbaev.
