بٷگٸن اقوردادا قازاقستان پرەزيدەنتٸ نۇرسۇلتان نازارباەۆ ەلٸمٸزدە تٸركەلگەن ديپلوماتييالىق ميسسييالار مەن حالىقارالىق ۇيىم ٶكٸلدٸكتەرٸنٸڭ باسشىلارىمەن دەستٷرلٸ كەزدەسۋٸن ٶتٸزۋدە, دەپ حابارلايدى قازاقپارات.
«بٷگٸن قازاقستاندا تٸركەلگەن ديپلوماتييالىق ميسسييالار مەن حالىقارالىق ۇيىمدار باسشىلارىمەن جىلدا ٶتكٸزٸلەتٸن دەستٷرلٸ كەزدەسۋٸمٸزدٸ ٶتكٸزگەلٸ وتىرمىز. دەگەنمەن قازٸرگٸ شارانىڭ ورنى ەرەكشە دەپ سانايمىن. بۇل ەلٸمٸزدٸڭ سىرتقى ساياساتىنىڭ مەرەيتويلى جىلىندا ٶتۋدە. وسىدان دەل 25 جىل بۇرىن مەن قازاقستاندىق ديپلوماتييالىق قىزمەت قۇرۋ تۋرالى جارلىققا قول قويىپ, قازاقستاننىڭ سىرتقى ساياسات جٷيەسٸن تاعايىندعان بولاتىنمىن. قازٸرگٸ تاڭدا 2 شٸلدە, كەشەگٸ كٷن قازاقستاننىڭ ديپلوماتييالىق قىزمەت كٷنٸ دەپ اتالاتىن ەرەكشە مەرەكەگە اينالدى. وسىعان بايلانىستى مەن قازاقستان ديپلوماتتارىن شىن جٷرەكتەن وسى مەرەكەمەن قۇتتىقتايمىن. ٸستەگەن جۇمىستارىنا العىسىمدى بٸلدٸرەمٸن», - دەدٸ كەزدەسۋدٸ اشقان قازاقستان پرەزيدەنتٸ.
مەملەكەت باسشىسى تەۋەلسٸزدٸكتٸڭ العاشقى جىلدارىندا بٸزدٸڭ سىرت ەلەممەن بايلانىس جاساۋ تەجٸريبەمٸز قالىپتاسقاندىعىن اتاپ ٶتتٸ.
«قازاقستاننىڭ ٶز ديپلوماتيياسى بولماعان. ديپلوماتييالىق كادرلار دا بولمعان ەدٸ دەپ ايتۋعا بولادى. بۇل مەسەلەگە بٸر جاعىنان ەلدەگٸ قيىن ەلەۋمەتتٸك-ەكونوميكالىق جاعداي قوسىلدى. سوندىقتان بٸز قيىن جاعدايدا, جوق جەردەن جاڭا ديپلوماتييالىق جٷيە قۇرىپ, ٶز ەلشٸلەرٸمٸزدٸڭ دٷنيەجٷزٸنٸڭ ەلدەرٸندە تاعايىنداۋ مٷمكٸندٸگٸن الدىق. ەندٸ مٸنە شيرەك عاسىردان كەيٸن وتاندىق سىرتقى ساياسات قالىپتاستى. ول ەلدٸڭ يگٸلٸگٸنە جۇمىس ٸستەپ جاتىر دەپ ايتا الامىز», - دەدٸ نۇرسۇلتان نازارباەۆ.
