Qazaqstan parlamenti májilisiniń depýtattary Qazaqstannyń tuńǵysh prezidenti Nursultan Nazarbaevqa Qaýipsizdik keńesin ómir boiy basqarýǵa quqyq beretin "Qazaqstan Respýblikasynyń Qaýipsizdik keńesi týraly" zań jobasyn birinshi oqylymda maquldady, dep habarlaidy Sputnik Qazaqstan tilshisi.
Zań jobasyna sáikes, Qaýipsizdik keńesi ishki saiasi turaqtylyqty saqtaý, konstitýtsiialyq qurylysty, memlekettik táýelsizdikti, aýmaqtyq tutastyqty qorǵaý maqsatynda ulttyq qaýipsizdik pen qorǵanys qabiletin qamtamasyz etý salasyndaǵy biryńǵai memlekettik saiasatty júrgizýdi úilestiretin konstitýtsiialyq organ sanalady.
Qazaqstannyń ádilet ministri Marat Beketaev jýrnalisterge Nazarbaevqa Qaýipsizdik keńesin ómir boiy basqarýǵa quqyq beretin norma ótken jyly bekitilip qoiǵanyn túsindirdi.
Sonymen, "Qazaqstan Respýblikasynyń Tuńǵysh Prezidenti – Elbasy týraly" konstitýtsiialyq zańǵa engizilgen ózgeristerge sáikes, tuńǵysh prezident Qaýipsizdik keńesin ómir boiy basqara alady.
2017 jyldyń jeltoqsan aiynda Nazarbaev qol qoiǵan túzetýlerge ózgerister engizildi.
