Qazaqstan Prezidenti Iran Islam Respýblikasynyń Syrtqy ister ministri Mohammad-Djavad Zarifpen kezdesti, - dep habarlaidy "Ult aqparat" Aqordaǵa silteme jasap.
Memleket basshysy kezdesýde Syrtqy ister ministrine Shanhai yntymaqtastyq uiymyna múshe memleketter basshylarynyń keńesine jáne «EKSPO-2017» halyqaralyq kórmesiniń ashylýyna qatysýǵa kelgeni úshin alǵys aitty.
Nursultan Nazarbaev Iranda ótken sailaýda qazirgi Prezident H.Rýhanidiń jeńiske jetkeni týraly habardy rizashylyqpen qabyldaǵanyn atap ótti.
– Meni islam áleminde oryn alyp otyrǵan qarama-qaishylyqtar qatty alańdatady. Ózara túsinistik pen senim tezirek ornaidy dep úmittenemin, – dedi Nursultan Nazarbaev.
Syrtqy ister ministri Qazaqstan Prezidentine qonaqjailyq kórsetkeni úshin rizashylyǵyn bildirdi.
– Elderimiz arasyndaǵy qarym-qatynastar joǵary deńgeide. Sizdiń jáne Iran Prezidentiniń ózara saparlaryńyzdyń arqasynda olar qarqyndy damýda, – dedi M.Zarif.
Sondai-aq, M.Zarif Qazaqstannyń BUU Qaýipsizdik Keńesiniń turaqty emes múshesi bolyp sailanýymen quttyqtady.
