Qazaqstannyń Tuńǵysh Prezidenti jańa Jeńil atletika sport keshenine bardy. Bul týraly elbasy.kz saity habarlady.
Shara barysynda Nursultan Nazarbaev atletika alańy men jattyǵý ortalyǵyn aralap, sport kesheniniń beine tanystyrylymyn kórdi.
Jańa sport nysany biyl qarasha aiynda iske qosylyp, Olimpiadalyq daiarlaý ortalyǵyna paidalanýǵa berildi. Sport kesheni Halyqaralyq jeńil atletika federatsiiasynyń (IAAF) sertifikatyna ie boldy. Bul sertifikat eń joǵary deńgeidegi jarystardy ótkizýge múmkindik beredi.
Keshende júgirý joldary bar atletikalyq alań, eki bassein, qonaq úi, balalar alańy, fýd-kort, trenajer zaly, iadro laqtyrý, biiktikke jáne uzyndyqqa sekirýge arnalǵan jattyǵý alańdary ornalasqan.
