Nursultan Nazarbaev Armeniia Respýblikasynyń Premer-Ministri Nikol Pashinianmen telefon arqyly sóilesti, dep habarlaidy Aqorda.
Nikol Pashinian Nursultan Nazarbaevtyń Qazaqstan Respýblikasynyń Prezidenti ókilettigin toqtatý týraly sheshim qabyldaýyna orai qimastyq nietin bildirdi.
Armeniia Premer-Ministri Nikol Pashinian Nursultan Nazarbaevtyń eki el arasyndaǵy ózara tabysty yqpaldastyqty damytýǵa eleýli úles qosqanyn atap ótti.
Sondai-aq, Nursultan Nazarbaev Ózbekstan Respýblikasynyń Prezidenti Shavkat Mirziioevpen telefon arqyly sóilesti.
Shavkat Mirziioev Nursultan Nazarbaevtyń Qazaqstan Respýblikasynyń Prezidenti ókilettigin toqtatý týraly sheshim qabyldaýyna orai zor qimastyq nietin bildirdi.
Ózbekstan Prezidenti Shavkat Mirziioev Nursultan Nazarbaevty «osyndai mańyzdy sheshim qabyldai biletin uly saiasatker ári Prezident» dep atady.
Elder kóshbasshylary aldaǵy ýaqytta turaqty bailanystaryn jalǵastyra berýge ýaǵdalasty.
Sonymen qatar, Nursultan Nazarbaev Qyrǵyz Respýblikasynyń Prezidenti Sooronbai Jeenbekovpen telefon arqyly sóilesti.
Sooronbai Jeenbekov Nursultan Nazarbaevtyń Qazaqstan Respýblikasynyń Prezidenti ókilettigin toqtatý týraly sheshim qabyldaýyna orai qimastyq nietin bildirdi.
Qyrǵyzstan Prezidenti Sooronbai Jeenbekov Nursultan Nazarbaevtyń eki el halyqtary arasyndaǵy baýyrlastyq qarym-qatynastardy nyǵaitýǵa zor úles qosqanyn atap ótti.
Elder kóshbasshylary aldaǵy ýaqytta turaqty bailanystaryn jalǵastyra berýge ýaǵdalasty.
