Nursultan Nazarbaev Qazaqstan Respýblikasynyń Táýelsizdik kúnine arnalǵan saltanatty qabyldaýǵa qatysty, dep habarlaidy "Ult aqparat" Aqordaǵa silteme jasap.
Memleket basshysy jiynǵa qatysýshylardy jáne Qazaqstan halqyn ulttyq merekemiz – Táýelsizdik kúnimen quttyqtady.
– Bul kúni ýaqyt ólshemine baǵyna qoimaityn maqtanysh, qýanysh pen tolqynys ózara úilesim taýyp, erekshe sezimge bóleidi, – dedi Qazaqstan Prezidenti.
Elbasy táýelsizdik jyldarynda Qazaqstan jyldam ósýge qol jetkizip qana qoimai, aldaǵy ýaqytta ornyqty damý úshin berik negiz qalaǵanyn aitty.
– Buǵan deiin tarihymyzda bolmaǵan kásipkerler shoǵyry qalyptasty. 1,2 millionnan astam qazaqstandyq óziniń jeke kásibin júrgizip, barlyq ulttyq kiristiń tórtten birin qamtamasyz etip otyr, – dedi Nursultan Nazarbaev.
Memleket basshysy «Nurly jol» baǵdarlamasy keleshektiń infraqurylymdyq daiyndyǵyn qamtamasyz etken ári daǵdarysqa qarsy sheshim bolǵanyn atap ótti.
– Yzǵarly jel soqqanda, biz qorshaý emes, jel diirmender saldyq. 7 jyldyń ishinde óńdeý ónerkásibiniń jańa 24 sektory paida boldy. Indýstriialyq-innovatsiialyq damý baǵdarlamasynyń tiimdiligi nysandar sanymen emes, tutas salalar sanymen ólshenedi, – dedi Elbasy.
Qazaqstan Prezidenti memlekettiń áleýmettik fýnktsiiasyn nyǵaitýdyń kepiline ainalǵan ekonomikalyq ózgeristerdiń tabysty bolǵanyna erekshe nazar aýdardy.
– Halqymyzdyń sany tarihymyzda birinshi ret 18 millionnan asty, bala týý kórsetkishi bir jarym ese ósti. Qazaqstan biyl bastaýysh bilim berýdi qamtý aýqymy jóninen álem boiynsha tórtinshi orynǵa shyqty. Ómir súrý uzaqtyǵy 4,5 jylǵa ósip, 72,5 jasty qurady. 1,1 millionnan astam otbasy baspanaly boldy, – dedi Qazaqstan Prezidenti.
Nursultan Nazarbaev Qazaqstannyń halyqaralyq arenadaǵy jetistikterine jeke toqtaldy.
– Elordamyzda halyqaralyq EKSPO kórmesi ótkizildi. Biyldyń ózinde Qazaqstan dúnie júzilik Ýniversiadany, Shanhai yntymaqtastyq uiymynyń tarihi sammitin, Islam yntymaqtastyǵy uiymynyń Ǵylym jáne tehnologiialar jónindegi birinshi sammitin, Siriiadaǵy jaǵdaidy beibit retteýge arnalǵan kelissózderdi ótkizdi. Al 2018 jylǵy qańtar aiynda elimiz BUU Qaýipsizdik Keńesine tóraǵalyq etedi, – dedi Memleket basshysy.
Qazaqstan Prezidenti «100 jańa esim» jobasyna qatysýshylarmen kezdesý ótkizgenine erekshe toqtalyp, Táýelsizdigimizdiń basty qundylyǵy azamattar ekenin atap ótti.
– Bulardyń ustanatyn ómirlik qaǵidasy – memleketten talap ete bermei, oǵan óziniń ideialaryn, shyǵarmashylyq energiiasyn, qajyrly eńbegin arnaý. Mine, biz qol jetkizgen tabystyń naǵyz shynaiy manifesi – osy! Táýelsizdiktiń urpaǵy da – osylar, – dedi Nursultan Nazarbaev.
Memleket basshysy ozyq damyǵan 30 eldiń qataryna qosylý úshin san jaǵynan ósýden sapalyq ózgeristerge kóshýdiń mańyzdy talap ekenin aiqyndap berdi.
– Qazaqstandy qalyptasqan memleket retinde nyǵaityp, biz búkilin qamtityn jańǵyrýǵa, Táýelsiz Qazaqstannyń jańa turpatyn jasaýǵa kiristik. Sol úshin saiasi, ekonomikalyq jáne rýhani jańǵyrý úderisin bastap kettik, – dedi Qazaqstan Prezidenti.
Nursultan Nazarbaev «Rýhani jańǵyrý» qoǵamdyq sanany jańǵyrtý baǵdarlamasyn iske asyrý máselesine toqtaldy.
– Biyl el bolyp Alashordanyń 100 jyldyǵyn atap óttik. Qazaq álipbiiniń latyn grafikasyna ótýi jónindegi asa mańyzdy sheshim qabyldadyq. Latyn qarpine kóshýdiń tereń tarihi qisyny bar. Bul – ata-baba armanynyń oryndalýy ǵana emes, keler urpaqty bolashaqqa bastaityn jol, – dedi Memleket basshysy.
Sońynda Qazaqstan Prezidenti qatysýshylardyń bárin Táýelsizdik kúnimen taǵy da quttyqtap, saiasi turaqtylyq, qoǵam men halqymyzdyń birligi úshin júrgizilip jatqan saiasatqa tolyq qoldaý kórsetý elimizdiń tabysty bolýynyń basty kepili ekenin atap ótti.
– Barlyq bastamalarymdy iske asyrýǵa kúsh bergen senimderińiz úshin, shynaiy qoldaýlaryńyz ben jankeshti kúsh-jigerlerińiz úshin barsha qazaqstandyqtarǵa alǵys aitamyn, – dedi Nursultan Nazarbaev.
