نۇرسۇلتان نازارباەۆ قازاقستان رەسپۋبليكاسىنىڭ تەۋەلسٸزدٸك كٷنٸنە ارنالعان سالتاناتتى قابىلداۋعا قاتىستى, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى جيىنعا قاتىسۋشىلاردى جەنە قازاقستان حالقىن ۇلتتىق مەرەكەمٸز – تەۋەلسٸزدٸك كٷنٸمەن قۇتتىقتادى.
– بۇل كٷنٸ ۋاقىت ٶلشەمٸنە باعىنا قويمايتىن ماقتانىش, قۋانىش پەن تولقىنىس ٶزارا ٷيلەسٸم تاۋىپ, ەرەكشە سەزٸمگە بٶلەيدٸ, – دەدٸ قازاقستان پرەزيدەنتٸ.
ەلباسى تەۋەلسٸزدٸك جىلدارىندا قازاقستان جىلدام ٶسۋگە قول جەتكٸزٸپ قانا قويماي, الداعى ۋاقىتتا ورنىقتى دامۋ ٷشٸن بەرٸك نەگٸز قالاعانىن ايتتى.
– بۇعان دەيٸن تاريحىمىزدا بولماعان كەسٸپكەرلەر شوعىرى قالىپتاستى. 1,2 ميلليوننان استام قازاقستاندىق ٶزٸنٸڭ جەكە كەسٸبٸن جٷرگٸزٸپ, بارلىق ۇلتتىق كٸرٸستٸڭ تٶرتتەن بٸرٸن قامتاماسىز ەتٸپ وتىر, – دەدٸ نۇرسۇلتان نازارباەۆ.
مەملەكەت باسشىسى «نۇرلى جول» باعدارلاماسى كەلەشەكتٸڭ ينفراقۇرىلىمدىق دايىندىعىن قامتاماسىز ەتكەن ەرٸ داعدارىسقا قارسى شەشٸم بولعانىن اتاپ ٶتتٸ.
– ىزعارلى جەل سوققاندا, بٸز قورشاۋ ەمەس, جەل ديٸرمەندەر سالدىق. 7 جىلدىڭ ٸشٸندە ٶڭدەۋ ٶنەركەسٸبٸنٸڭ جاڭا 24 سەكتورى پايدا بولدى. يندۋسترييالىق-يننوۆاتسييالىق دامۋ باعدارلاماسىنىڭ تيٸمدٸلٸگٸ نىساندار سانىمەن ەمەس, تۇتاس سالالار سانىمەن ٶلشەنەدٸ, – دەدٸ ەلباسى.
قازاقستان پرەزيدەنتٸ مەملەكەتتٸڭ ەلەۋمەتتٸك فۋنكتسيياسىن نىعايتۋدىڭ كەپٸلٸنە اينالعان ەكونوميكالىق ٶزگەرٸستەردٸڭ تابىستى بولعانىنا ەرەكشە نازار اۋداردى.
– حالقىمىزدىڭ سانى تاريحىمىزدا بٸرٸنشٸ رەت 18 ميلليوننان استى, بالا تۋۋ كٶرسەتكٸشٸ بٸر جارىم ەسە ٶستٸ. قازاقستان بيىل باستاۋىش بٸلٸم بەرۋدٸ قامتۋ اۋقىمى جٶنٸنەن ەلەم بويىنشا تٶرتٸنشٸ ورىنعا شىقتى. ٶمٸر سٷرۋ ۇزاقتىعى 4,5 جىلعا ٶسٸپ, 72,5 جاستى قۇرادى. 1,1 ميلليوننان استام وتباسى باسپانالى بولدى, – دەدٸ قازاقستان پرەزيدەنتٸ.
نۇرسۇلتان نازارباەۆ قازاقستاننىڭ حالىقارالىق ارەناداعى جەتٸستٸكتەرٸنە جەكە توقتالدى.
– ەلوردامىزدا حالىقارالىق ەكسپو كٶرمەسٸ ٶتكٸزٸلدٸ. بيىلدىڭ ٶزٸندە قازاقستان دٷنيە جٷزٸلٸك ۋنيۆەرسيادانى, شانحاي ىنتىماقتاستىق ۇيىمىنىڭ تاريحي سامميتٸن, يسلام ىنتىماقتاستىعى ۇيىمىنىڭ عىلىم جەنە تەحنولوگييالار جٶنٸندەگٸ بٸرٸنشٸ سامميتٸن, سيريياداعى جاعدايدى بەيبٸت رەتتەۋگە ارنالعان كەلٸسسٶزدەردٸ ٶتكٸزدٸ. ال 2018 جىلعى قاڭتار ايىندا ەلٸمٸز بۇۇ قاۋٸپسٸزدٸك كەڭەسٸنە تٶراعالىق ەتەدٸ, – دەدٸ مەملەكەت باسشىسى.
قازاقستان پرەزيدەنتٸ «100 جاڭا ەسٸم» جوباسىنا قاتىسۋشىلارمەن كەزدەسۋ ٶتكٸزگەنٸنە ەرەكشە توقتالىپ, تەۋەلسٸزدٸگٸمٸزدٸڭ باستى قۇندىلىعى ازاماتتار ەكەنٸن اتاپ ٶتتٸ.
– بۇلاردىڭ ۇستاناتىن ٶمٸرلٸك قاعيداسى – مەملەكەتتەن تالاپ ەتە بەرمەي, وعان ٶزٸنٸڭ يدەيالارىن, شىعارماشىلىق ەنەرگيياسىن, قاجىرلى ەڭبەگٸن ارناۋ. مٸنە, بٸز قول جەتكٸزگەن تابىستىڭ ناعىز شىنايى مانيفەسٸ – وسى! تەۋەلسٸزدٸكتٸڭ ۇرپاعى دا – وسىلار, – دەدٸ نۇرسۇلتان نازارباەۆ.
مەملەكەت باسشىسى وزىق دامىعان 30 ەلدٸڭ قاتارىنا قوسىلۋ ٷشٸن سان جاعىنان ٶسۋدەن ساپالىق ٶزگەرٸستەرگە كٶشۋدٸڭ ماڭىزدى تالاپ ەكەنٸن ايقىنداپ بەردٸ.
– قازاقستاندى قالىپتاسقان مەملەكەت رەتٸندە نىعايتىپ, بٸز بٷكٸلٸن قامتيتىن جاڭعىرۋعا, تەۋەلسٸز قازاقستاننىڭ جاڭا تۇرپاتىن جاساۋعا كٸرٸستٸك. سول ٷشٸن ساياسي, ەكونوميكالىق جەنە رۋحاني جاڭعىرۋ ٷدەرٸسٸن باستاپ كەتتٸك, – دەدٸ قازاقستان پرەزيدەنتٸ.
نۇرسۇلتان نازارباەۆ «رۋحاني جاڭعىرۋ» قوعامدىق سانانى جاڭعىرتۋ باعدارلاماسىن ٸسكە اسىرۋ مەسەلەسٸنە توقتالدى.
– بيىل ەل بولىپ الاشوردانىڭ 100 جىلدىعىن اتاپ ٶتتٸك. قازاق ەلٸپبيٸنٸڭ لاتىن گرافيكاسىنا ٶتۋٸ جٶنٸندەگٸ اسا ماڭىزدى شەشٸم قابىلدادىق. لاتىن قارپٸنە كٶشۋدٸڭ تەرەڭ تاريحي قيسىنى بار. بۇل – اتا-بابا ارمانىنىڭ ورىندالۋى عانا ەمەس, كەلەر ۇرپاقتى بولاشاققا باستايتىن جول, – دەدٸ مەملەكەت باسشىسى.
سوڭىندا قازاقستان پرەزيدەنتٸ قاتىسۋشىلاردىڭ بەرٸن تەۋەلسٸزدٸك كٷنٸمەن تاعى دا قۇتتىقتاپ, ساياسي تۇراقتىلىق, قوعام مەن حالقىمىزدىڭ بٸرلٸگٸ ٷشٸن جٷرگٸزٸلٸپ جاتقان ساياساتقا تولىق قولداۋ كٶرسەتۋ ەلٸمٸزدٸڭ تابىستى بولۋىنىڭ باستى كەپٸلٸ ەكەنٸن اتاپ ٶتتٸ.
– بارلىق باستامالارىمدى ٸسكە اسىرۋعا كٷش بەرگەن سەنٸمدەرٸڭٸز ٷشٸن, شىنايى قولداۋلارىڭىز بەن جانكەشتٸ كٷش-جٸگەرلەرٸڭٸز ٷشٸن بارشا قازاقستاندىقتارعا العىس ايتامىن, – دەدٸ نۇرسۇلتان نازارباەۆ.
