Qazaqstan Respýblikasynyń Tuńǵysh Prezidenti - Elbasy Nursultan Nazarbaev Germaniianyń Federaldyq Kantsleri Angela Merkelmen telefon arqyly sóilesti, dep habarlaidy Aqordanyń baspasóz qyzmeti.
Áńgimelesý barysynda Germaniia Kantsleri Angela Merkel Nursultan Nazarbaevtyń Qazaqstan Respýblikasynyń Prezidenti ókilettigin toqtatý týraly sheshimin zor qurmetpen qabyl alǵanyn atap ótti.
Angela Merkel táýelsiz Qazaqstannyń jetistikteri, halyqaralyq arenadaǵy bedeli, sondai-aq álemdegi qaýipsizdik pen turaqtylyqty qamtamasyz etý isine qosqan úlesi Elbasynyń esimimen tikelei bailanysty ekenin aitty.
Germaniia kóshbasshysy dostyq pen senimge negizdelgen Qazaqstan-Germaniia yntymaqtastyǵynyń qalyptasýyna jáne nyǵaia túsýine Nursultan Nazarbaevtyń sińirgen eńbegin erekshe baǵalady. Angela Merkel Qazaqstannyń Tuńǵysh Prezidentine zor densaýlyq, sondai-aq halyqtyń igiligi jolyndaǵy aldaǵy qyzmetine tabys tiledi. Taraptar turaqty bailanystaryn jalǵastyra berýge ýaǵdalasty.
