«Nur Otan» partiiasy Tóraǵasynyń Birinshi orynbasary Máýlen Áshimbaevtyń qatysýymen #NurOtanPikir erkin pikirtalas alańynyń kezekti otyrysy ótti. Onda qatysýshylar «Jańa álemdegi jastar kelbeti» taqyrybynda oi qozǵap, áńgime órbitti.
Dástúrge sai otyrysty ǵalym, Halyqaralyq Túrki akademiiasynyń prezidenti, «Egemen Qazaqstan» respýblikalyq gazeti» AQ-nyń Basqarma tóraǵasy Darhan Qydyráli júrgizdi.
Alǵash bolyp sóz alǵan «Nur Otan» partiiasy Tóraǵasynyń Birinshi orynbasary elimiz úshin jastar máselesiniń mańyzy qashanda joǵary ekenin atap ótti. Sondai-aq ol qazirgi tańda elimizdiń mańyzdy tarihi kezeńdi bastan ótkerip jatqanyna nazar aýdaryp, osyndai sátte jastar da jaýapkershilikti sezinýi kerektigin tilge tiek etti. Odan bólek, partiia Tóraǵasynyń Birinshi orynbasary sońǵy jyldary elimizde memleket tarapynan jastarǵa aitarlyqtai jaǵdai jasalyp jatqanyn da aityp ótti.
– Elbasy biylǵy jyldy «Jastar jyly» dep jariialap, osy saladaǵy basymdyqtardy aiqyndap berdi. Olardy júzege asyrýǵa bizdiń partiia da belsene qatysady. Sondai-aq biz partiiamyzdyń kezekti XVIII sezinde qabyldanǵan jańa baǵdarlamamyzda da jastar máselesine úlken kóńil bóldik. Aldaǵy ýaqytta osy baǵyttaǵy jumystardy júieli túrde júzege asyramyz, – dedi Máýlen Áshimbaev.
Onyń aitýynsha, partiianyń jańa baǵdarlamasynda aldaǵy 10 jylda júzege asyratyn naqty on maqsat anyqtalǵan. Olardyń biri jastarǵa qoldaý kórsetý isine arnalyp otyr. Osy baǵytta partiia úsh basymdyqty anyqtady.
Birinshi basymdyq jastarǵa áleýmettik qoldaý kórsetýge arnalǵan. Ekinshi basymdyq – jastardyń áleýetin damytyp, jas býyn arasynda patriotizmdi kúsheitý bolsa, úshinshi basymdyq – memlekettik jastar saiasatynyń tiimdiligi men nátijeliligin arttyrý.
Jastardy jumyspen qamtý máselesine nazar aýdarǵan Máýlen Áshimbaev partiia tarapynan atqarylyp jatqan jumystarǵa toqtaldy.
– Jumyspen qamtý isinde eń aldymen kásipkerlikti damytýǵa sol arqyly jastardyń kásippen ainalysýyna múmkindik berýimiz kerek. Osy salada partiia naqty jobalardy júzege asyrýda. Atap aitqanda, elimiz boiynsha IT-ortalyqtar ashyp, jumyssyz jáne mamandyǵyn ózgertkisi keletin jastarymyzdy qaita oqytyp, básekege qabiletti maman bolyp qalyptasýyna qoldaý kórsetip jatyrmyz, – dedi partiia Tóraǵasynyń Birinshi orynbasary.
Is-shara barysynda Aqparat jáne qoǵamdyq damý vitse-ministri Juldyz Omarbekova, belgili aqyn, Qazaqstan Jazýshylar odaǵynyń múshesi, «Shalqar» radiosynyń direktory Qalqaman Sarin, kásipker, IT tehnologiialar salasynda qyzmet kórsetetin STEM akademiiasynyń negizin qalaýshy Ábýtálip Mútáli, «Qazaqstan» ulttyq telearnasynyń júrgizýshisi Áigerim Esenáli, «Nur Otan» partiiasy Baspasóz qyzmetiniń basshysy Maksim Spotkai jáne «Jas Otan» jastar qanatynyń atqarýshy hatshysy Dáýlet Káribek kóterilgen taqyrypqa qatysty óz oilaryn aityp, pikirlerin bildirdi.
