«Nur Otan» partiiasy Shymkent qalalyq filialy «Júrek nury» qorynyń ókilderimen birlesip, «Balalarǵa kóńil syila» atty qaiyrymdylyq is-sharasyn ótkizdi. Sonyń aiasynda partiia ókilderi oblystyq balalar aýrýhanasynda emdelip jatqan naýqas balalardy qýanyshqa bóledi.
Jeke kásipker, partiia belsendisi Qairat Súleimenovtiń aitýynsha, bul sharanyń basty maqsaty – balalarǵa qýanysh pen úmit syilaý.
– Qaiyrymdylyq – halqymyzdyń eń izgi qasietteriniń biri. Bul igi sharany ótkize otyryp, biz meiirimdilik pen ózara riiasyz kómek jasaýdy dáripteimiz. Balalar men múmkindigi shekteýli jandarǵa qamqorlyqtyń artýyna úles qosamyz, – deidi atymtai jomart.
Oblystyq balalar aýrýhanasynda emdelip jatqan Aibol Áltekovtiń ata-anasy balasynyń qýanyshyn kórip, nurotandyqtarǵa rizashylyǵyn bildirdi.
– Balamyzdyń saýyǵyp ketýine tek dárigerler ǵana emes, sizder de atsalysyp otyrsyzdar. Balalarymyzdyń kóz jasyn súrtip, jyly lebizin aiamai, qoldan kelgen járdemin usynyp, dostyq peiilderin tanytýǵa kelgenderińizge úlken rahmet, – deidi ata-analar.
