«نۇر وتان» پارتيياسى شىمكەنت قالالىق فيليالى «جٷرەك نۇرى» قورىنىڭ ٶكٸلدەرٸمەن بٸرلەسٸپ, «بالالارعا كٶڭٸل سىيلا» اتتى قايىرىمدىلىق ٸس-شاراسىن ٶتكٸزدٸ. سونىڭ اياسىندا پارتييا ٶكٸلدەرٸ وبلىستىق بالالار اۋرۋحاناسىندا ەمدەلٸپ جاتقان ناۋقاس بالالاردى قۋانىشقا بٶلەدٸ.
جەكە كەسٸپكەر, پارتييا بەلسەندٸسٸ قايرات سٷلەيمەنوۆتٸڭ ايتۋىنشا, بۇل شارانىڭ باستى ماقساتى – بالالارعا قۋانىش پەن ٷمٸت سىيلاۋ.
– قايىرىمدىلىق – حالقىمىزدىڭ ەڭ ٸزگٸ قاسيەتتەرٸنٸڭ بٸرٸ. بۇل يگٸ شارانى ٶتكٸزە وتىرىپ, بٸز مەيٸرٸمدٸلٸك پەن ٶزارا ريياسىز كٶمەك جاساۋدى دەرٸپتەيمٸز. بالالار مەن مٷمكٸندٸگٸ شەكتەۋلٸ جاندارعا قامقورلىقتىڭ ارتۋىنا ٷلەس قوسامىز, – دەيدٸ اتىمتاي جومارت.
وبلىستىق بالالار اۋرۋحاناسىندا ەمدەلٸپ جاتقان ايبول ەلتەكوۆتٸڭ اتا-اناسى بالاسىنىڭ قۋانىشىن كٶرٸپ, نۇروتاندىقتارعا ريزاشىلىعىن بٸلدٸردٸ.
– بالامىزدىڭ ساۋىعىپ كەتۋٸنە تەك دەرٸگەرلەر عانا ەمەس, سٸزدەر دە اتسالىسىپ وتىرسىزدار. بالالارىمىزدىڭ كٶز جاسىن سٷرتٸپ, جىلى لەبٸزٸن اياماي, قولدان كەلگەن جەردەمٸن ۇسىنىپ, دوستىق پەيٸلدەرٸن تانىتۋعا كەلگەندەرٸڭٸزگە ٷلكەن راحمەت, – دەيدٸ اتا-انالار.
