Búgin Úkimet otyrysynda «Nurly jol» memlekettik baǵdarlamasynyń túzetilgen jobasy bekitildi, dep habarlaidy QazAqparat tilshisi.
«Jalpy, baǵdarlamany iske asyrý barysy Úkimette birneshe márte jan-jaqty talqylandy. Memlekettik baǵdarlamanyń túzetilgen jobasynda Elbasy qoiǵan mindetter kórinis tapty. Sol sebepten infraqurylymdy damytýdyń «Nurly jol» memlekettik baǵdarlamasynyń túzetilgen jobasyna daýys beremiz», - dedi Baqytjan Saǵyntaev.
Osy oraida Úkimet músheleri jobany biraýyzdan bekitý týraly sheshim qabyldady.
«Barlyq múddeli memlekettik organdarǵa jańartylǵan baǵdarlamanyń oryndalýyn tapsyramyn. Asqar Uzaqbaiuly (Premer-Ministrdiń birinshi orynbasary - avt.), baǵdarlamanyń oryndalýyn qamtamasyz etýdi tapsyramyn. Bul baǵyttaǵy jumystardy baqylaýda ustańyz», - dedi Úkimet basshysy.
QR Ulttyq ekonomika ministri Timýr Súleimenovtyń sózine qaraǵanda, «Nurly jol» memlekettik baǵdarlamasyn iske asyrýǵa 2018 jyly barlyq qarjylandyrý kózderinen 829,5 mlrd teńge kózdelgen. 2018 jylǵy 1 shildedegi jedel derekter boiynsha, onyń 167,1 mlrd teńgesi, iaǵni shamamen 21 paiyzy igerildi.
«Sonymen qatar, Memleket basshysynyń 2017 jyldyń 31 qańtaryndaǵy «Qazaqstannyń úshinshi jańǵyrýy: jahandyq básekege qabilettilik» atty Qazaqstan halqyna Joldaýynyń jalpyulttyq is-sharalar josparynyń 13-tarmaǵyna sáikes, ministrlik tiisti Qaýly jobasyn ázirledi. Jobamen tranzit kóliginen túsken kiristerdi 4 mlrd AQSh dollaryna deiin ulǵaitý jáne tranzittik konteinerlik tasymaldaý kólemin 1,2 mln JFB-ǵa (jiyrma fýnttyq balamaǵa) deiin arttyrý týraly tiisti ózgerister men tolyqtyrýlar kózdeldi. Munymen qosa, tranzittik áýe jolaýshylarynyń sany 1,6 mln adamǵa, al aimaqtyq áýe jelilerimen jolaýshylar sanyn 170 myńǵa deiin arttyrý kózdeldi. Qoiylǵan maqsattarǵa qol jetkizý úshin taýarlardy tranzitteýge, kólik dálizderin qurý men jańǵyrtýǵa, kólik infraqurylymyn basqarýǵa, qyzmet kórsetý deńgeiin kóterýge jáne ákimshilik kedergilerdi joiýǵa baǵyttalǵan sharalar kózdelgen. Joba Astana jáne Almaty qalalarynyń, oblystar ákimdikterimen jáne múddeli memlekettik organdarmen kelisildi», - dedi Timýr Súleimenov.
.jpeg)