QR Investitsiialar jáne damý ministri Jeńis Qasymbek «Nurly jer» memlekettik baǵdarlamasyna ózgeristerdiń engiziletinin málimdedi, dep habarlaidy QazAqparat tilshisi.
Ministrdiń aitýynsha, «7-20-25» baǵdarlamasyn iske asyrýǵa bailanysty turǵyn úi jinaq júiesine ózgeris engizýge týra keledi.
«Ulttyq bank ázirlegen mexanizmderdi esepke ala otyryp, sáýir aiynda «Nurly jer» baǵdarlamasyna ózgeristerdi engizemiz. Atalǵan ózgerister «7-20-25» baǵdarlamasynyń normalaryn tiimdi iske asyrýǵa yqpal etetin bolady. Atap aitqanda, turǵyn úi qurylysynyń kólemin ulǵaitý normalary men Turǵyn úi qurylys jinaq bankiniń zaemdaryn berý talaptary qaita qaralady», - dedi J.Qasymbek Úkimettiń búgingi otyrysynda.
Budan bólek, qurylys alańdaryna injenerlik-kommýnikatsiialyq jelilerdi tartýǵa jyl saiyn bólinetin qarjyny 80 mlrd teńgeden 100 mlrd teńgege deiin arttyrý josparlanǵan.
Aita keteiik, otyrysta Ulttyq banktiń tóraǵasy Daniiar Aqyshev «7-20-25» baǵdarlamasynyń jobasyn tanystyrdy. Bas bankir 7 paiyzdyq ipotekanyń basty talabyn da jariialady.
