قر ينۆەستيتسييالار جەنە دامۋ مينيسترٸ جەڭٸس قاسىمبەك «نۇرلى جەر» مەملەكەتتٸك باعدارلاماسىنا ٶزگەرٸستەردٸڭ ەنگٸزٸلەتٸنٸن مەلٸمدەدٸ, دەپ حابارلايدى قازاقپارات تٸلشٸسٸ.
مينيستردٸڭ ايتۋىنشا, «7-20-25» باعدارلاماسىن ٸسكە اسىرۋعا بايلانىستى تۇرعىن ٷي جيناق جٷيەسٸنە ٶزگەرٸس ەنگٸزۋگە تۋرا كەلەدٸ.
«ۇلتتىق بانك ەزٸرلەگەن مەxانيزمدەردٸ ەسەپكە الا وتىرىپ, سەۋٸر ايىندا «نۇرلى جەر» باعدارلاماسىنا ٶزگەرٸستەردٸ ەنگٸزەمٸز. اتالعان ٶزگەرٸستەر «7-20-25» باعدارلاماسىنىڭ نورمالارىن تيٸمدٸ ٸسكە اسىرۋعا ىقپال ەتەتٸن بولادى. اتاپ ايتقاندا, تۇرعىن ٷي قۇرىلىسىنىڭ كٶلەمٸن ۇلعايتۋ نورمالارى مەن تۇرعىن ٷي قۇرىلىس جيناق بانكٸنٸڭ زاەمدارىن بەرۋ تالاپتارى قايتا قارالادى», - دەدٸ ج.قاسىمبەك ٷكٸمەتتٸڭ بٷگٸنگٸ وتىرىسىندا.
بۇدان بٶلەك, قۇرىلىس الاڭدارىنا ينجەنەرلٸك-كوممۋنيكاتسييالىق جەلٸلەردٸ تارتۋعا جىل سايىن بٶلٸنەتٸن قارجىنى 80 ملرد تەڭگەدەن 100 ملرد تەڭگەگە دەيٸن ارتتىرۋ جوسپارلانعان.
ايتا كەتەيٸك, وتىرىستا ۇلتتىق بانكتٸڭ تٶراعاسى دانييار اقىشەۆ «7-20-25» باعدارلاماسىنىڭ جوباسىن تانىستىردى. باس بانكير 7 پايىزدىق يپوتەكانىڭ باستى تالابىن دا جارييالادى.
