«Nurly jer» baǵdarlamasy aiasynda 89 myń otbasy baspanaly boldy. Bul týraly QR IIDM Qurylys jáne turǵyn úi kommýnaldyq sharýashylyq ister komitetiniń tóraǵasy Marhabat Jaiymbetov aitty, dep habarlaidy "Ult aqparat".
«Nurly jer» baǵdarlamasy 2017 jyldan bastap iske asyrylyp keledi. Baǵdarlama iske asyrylǵan 3 jyldyń ishinde 36,8 mln sharshy metr turǵyn úi jáne 330 myń baspana salyndy. Shamamen 89 myń otbasy memlekettik qoldaý sharalarymen qamtyldy. Olarǵa qoljetimdi turǵyn úi jáne jeńildikti qaryz berildi», - dedi ol Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, osy jyldardyń ishinde turǵyn úi qurylysyna 3,6 trln teńgeden astam qarajat investitsiialandy.
«Shamamen 919 mlrd teńge memlekettik investitsiia «Nurly jer» baǵdarlamasyn iske asyrýǵa jumsaldy. Salynǵan memlekettik investitsiianyń 1 teńgesine 6 teńge jeke investitsiia salynady. Bul baǵdarlamanyń tiimdiligin bildiredi», - dedi Marhabat Jaiymbetov.
