Ońtústik Qazaqstan oblysy ortalyǵy - Shymkent qalasynyń ákimi N.Saýranbaev barsha ońtústikqazaqstandyqtardy jáne shahar turǵyndaryn Qazaqstan Respýblikasynyń Tuńǵysh Prezidenti kúnimen quttyqtady, dep habarlaidy Ult.kz tilshisi.
«Sizderdi 1 jeltoqsan – Qazaqstan Respýblikasynyń Tuńǵysh Prezidenti kúnimen shyn júrekten quttyqtaimyn! Táýelsizdiktiń araily tańy atqan shirek ǵasyrdan astam ýaqyt ishinde elimiz kúlli álem tanyp, moiyndaǵan eńseli memleketke ainaldy. Elimizdiń bul jetken jetistigi men shyqqan biigi sóz joq egemendigimizdiń, birligimiz ben tutastyǵymyzdyń beriktigin aiǵaqtaityn aiqyn dálel. Sondyqtan bul mereke – táýelsizdigimizdi tuǵyrly etip kele jatqan memleketimiz úshin mańyzy mol, tarihi taǵylymy tereń meiram.
Qazaqstan óziniń egemendik tarihynda áleýmettik-ekonomikalyq, mádeni jetistikterimen daralanyp, Elbasynyń «Qazaqstan-2050» strategiiasyn, «Bolashaq», «Rýhani jańǵyrý» baǵdarlamalary men basqa da tarihi mańyzy zor qujattaryn dáiekti túrde júzege asyra otyryp, álemniń ozyq 30 eliniń qataryna qosylýǵa qaryshty qadam basýda. Biyl elordamyz Astanada tabysty ótken EKSPO-2017 halyqaralyq kórmesi táýelsiz Qazaqstannyń tuǵyryn taǵy da biiktetip, álemdik arenadaǵy bedelin asqaqtata tústi.
Elimizdiń barlyq jetistikteri men jeńisteri Qazaqstan Respýblikasynyń Tuńǵysh Prezidenti – Elbasy Nursultan Ábishuly Nazarbaevtyń tegeýrindi jáne dana basshylyǵy men árbir qazaqstandyqtyń tabandy da tynymsyz eńbeginiń nátijesinde keldi.
Elbasy bizdiń Ońtústik óńirine jáne oblys ortalyǵyna árkez erekshe yqylas tanytyp keledi. Prezidenttiń qoldaýymen Shymkent elimizdiń úshinshi megapolisi retinde órkendep, kórkeie túsýde.
Qadirli jerlester!
1 jeltoqsan – Tuńǵysh Prezident kúnimen memlekettigimizdiń tarihy tamyrlas, prezidenttik institýttyń qalyptasý kezeńi ózektes. Bizdiń basty maqsatymyz – Elbasynyń tóńiregine toptasa otyryp, «Máńgilik eldiń» qundylyqtaryn qasterleý, keleshek urpaqqa basty bailyǵymyz – táýelsizdigimiz ben turaqtylyǵymyzdyń týyn biik ustap, tabystaý.
Osynaý mereili mereke kúni barshańyzǵa zor densaýlyq, otbasylaryńyzǵa baq pen bereke tileimin!», - dedi qala ákimi.
