وڭتٷستٸك قازاقستان وبلىسى ورتالىعى - شىمكەنت قالاسىنىڭ ەكٸمٸ ن.ساۋرانباەۆ بارشا وڭتٷستٸكقازاقستاندىقتاردى جەنە شاھار تۇرعىندارىن قازاقستان رەسپۋبليكاسىنىڭ تۇڭعىش پرەزيدەنتٸ كٷنٸمەن قۇتتىقتادى, دەپ حابارلايدى ۇلت.كز تٸلشٸسٸ.
«سٸزدەردٸ 1 جەلتوقسان – قازاقستان رەسپۋبليكاسىنىڭ تۇڭعىش پرەزيدەنتٸ كٷنٸمەن شىن جٷرەكتەن قۇتتىقتايمىن! تەۋەلسٸزدٸكتٸڭ ارايلى تاڭى اتقان شيرەك عاسىردان استام ۋاقىت ٸشٸندە ەلٸمٸز كٷللٸ ەلەم تانىپ, مويىنداعان ەڭسەلٸ مەملەكەتكە اينالدى. ەلٸمٸزدٸڭ بۇل جەتكەن جەتٸستٸگٸ مەن شىققان بيٸگٸ سٶز جوق ەگەمەندٸگٸمٸزدٸڭ, بٸرلٸگٸمٸز بەن تۇتاستىعىمىزدىڭ بەرٸكتٸگٸن ايعاقتايتىن ايقىن دەلەل. سوندىقتان بۇل مەرەكە – تەۋەلسٸزدٸگٸمٸزدٸ تۇعىرلى ەتٸپ كەلە جاتقان مەملەكەتٸمٸز ٷشٸن ماڭىزى مول, تاريحي تاعىلىمى تەرەڭ مەيرام.
قازاقستان ٶزٸنٸڭ ەگەمەندٸك تاريحىندا ەلەۋمەتتٸك-ەكونوميكالىق, مەدەني جەتٸستٸكتەرٸمەن دارالانىپ, ەلباسىنىڭ «قازاقستان-2050» ستراتەگيياسىن, «بولاشاق», «رۋحاني جاڭعىرۋ» باعدارلامالارى مەن باسقا دا تاريحي ماڭىزى زور قۇجاتتارىن دەيەكتٸ تٷردە جٷزەگە اسىرا وتىرىپ, ەلەمنٸڭ وزىق 30 ەلٸنٸڭ قاتارىنا قوسىلۋعا قارىشتى قادام باسۋدا. بيىل ەلوردامىز استانادا تابىستى ٶتكەن ەكسپو-2017 حالىقارالىق كٶرمەسٸ تەۋەلسٸز قازاقستاننىڭ تۇعىرىن تاعى دا بيٸكتەتٸپ, ەلەمدٸك ارەناداعى بەدەلٸن اسقاقتاتا تٷستٸ.
ەلٸمٸزدٸڭ بارلىق جەتٸستٸكتەرٸ مەن جەڭٸستەرٸ قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى نۇرسۇلتان ەبٸشۇلى نازارباەۆتىڭ تەگەۋرٸندٸ جەنە دانا باسشىلىعى مەن ەربٸر قازاقستاندىقتىڭ تاباندى دا تىنىمسىز ەڭبەگٸنٸڭ نەتيجەسٸندە كەلدٸ.
ەلباسى بٸزدٸڭ وڭتٷستٸك ٶڭٸرٸنە جەنە وبلىس ورتالىعىنا ەركەز ەرەكشە ىقىلاس تانىتىپ كەلەدٸ. پرەزيدەنتتٸڭ قولداۋىمەن شىمكەنت ەلٸمٸزدٸڭ ٷشٸنشٸ مەگاپوليسٸ رەتٸندە ٶركەندەپ, كٶركەيە تٷسۋدە.
قادٸرلٸ جەرلەستەر!
1 جەلتوقسان – تۇڭعىش پرەزيدەنت كٷنٸمەن مەملەكەتتٸگٸمٸزدٸڭ تاريحى تامىرلاس, پرەزيدەنتتٸك ينستيتۋتتىڭ قالىپتاسۋ كەزەڭٸ ٶزەكتەس. بٸزدٸڭ باستى ماقساتىمىز – ەلباسىنىڭ تٶڭٸرەگٸنە توپتاسا وتىرىپ, «مەڭگٸلٸك ەلدٸڭ» قۇندىلىقتارىن قاستەرلەۋ, كەلەشەك ۇرپاققا باستى بايلىعىمىز – تەۋەلسٸزدٸگٸمٸز بەن تۇراقتىلىعىمىزدىڭ تۋىن بيٸك ۇستاپ, تابىستاۋ.
وسىناۋ مەرەيلٸ مەرەكە كٷنٸ بارشاڭىزعا زور دەنساۋلىق, وتباسىلارىڭىزعا باق پەن بەرەكە تٸلەيمٸن!», - دەدٸ قالا ەكٸمٸ.
