Búgin Palata Spikeri Nurlan Nyǵmatýlinniń tóraǵalyǵymen Májilis Biýrosy ótip, onda aldaǵy jalpy otyrystyń kún tártibi naqtylandy, dep habarlaidy QR Parlamenti Májilisiniń baspasóz qyzmeti.
Depýtattardyń qaraýyna «Qazaqstan Respýblikasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» zań jobasy birinshi oqylymda usynyldy.
Bul zań jobasy ákimdik-deliktik zańnamasyn odan ári jetildirýge, sondai-aq Ákimshilik quqyq buzýshylyqtar týraly kodeksti izgilendirýge jáne repressivtiligin tómendetýge baǵyttalǵan. Sondai-aq, ákimshilik quqyq buzýshylyqtar týraly ister boiynsha óndiristi elektrondyq formatqa kezeń-kezeńmen aýdarý kózdelgen.
Sonymen qatar, Palatanyń aldaǵy jalpy otyrysynyń kún tártibine «1992 jylǵy 15 mamyrdaǵy Ujymdyq qaýipsizdik týraly shartqa qatysýshy memleketter arasyndaǵy Áskeri-tehnikalyq yntymaqtastyqtyń negizgi printsipteri týraly kelisimge ózgerister engizý týraly tórtinshi hattamany ratifikatsiialaý týraly» zań jobasy engiziledi.
.jpeg)