بٷگٸن پالاتا سپيكەرٸ نۇرلان نىعماتۋليننٸڭ تٶراعالىعىمەن مەجٸلٸس بيۋروسى ٶتٸپ, وندا الداعى جالپى وتىرىستىڭ كٷن تەرتٸبٸ ناقتىلاندى, دەپ حابارلايدى قر پارلامەنتٸ مەجٸلٸسٸنٸڭ باسپاسٶز قىزمەتٸ.
دەپۋتاتتاردىڭ قاراۋىنا «قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق تۋرالى كودەكسٸنە ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بٸرٸنشٸ وقىلىمدا ۇسىنىلدى.
بۇل زاڭ جوباسى ەكٸمدٸك-دەليكتٸك زاڭناماسىن ودان ەرٸ جەتٸلدٸرۋگە, سونداي-اق ەكٸمشٸلٸك قۇقىق بۇزۋشىلىقتار تۋرالى كودەكستٸ ٸزگٸلەندٸرۋگە جەنە رەپرەسسيۆتٸلٸگٸن تٶمەندەتۋگە باعىتتالعان. سونداي-اق, ەكٸمشٸلٸك قۇقىق بۇزۋشىلىقتار تۋرالى ٸستەر بويىنشا ٶندٸرٸستٸ ەلەكتروندىق فورماتقا كەزەڭ-كەزەڭمەن اۋدارۋ كٶزدەلگەن.
سونىمەن قاتار, پالاتانىڭ الداعى جالپى وتىرىسىنىڭ كٷن تەرتٸبٸنە «1992 جىلعى 15 مامىرداعى ۇجىمدىق قاۋٸپسٸزدٸك تۋرالى شارتقا قاتىسۋشى مەملەكەتتەر اراسىنداعى ەسكەري-تەحنيكالىق ىنتىماقتاستىقتىڭ نەگٸزگٸ پرينتسيپتەرٸ تۋرالى كەلٸسٸمگە ٶزگەرٸستەر ەنگٸزۋ تۋرالى تٶرتٸنشٸ حاتتامانى راتيفيكاتسييالاۋ تۋرالى» زاڭ جوباسى ەنگٸزٸلەدٸ.
.jpeg)