Májilis tóraǵasy Nurlan Nyǵmatýlin Izmirde ótip jatqan Túrki elderi Parlamenttik Assambleiasynyń otyrysynda Memleket Basshysy Nursultan Nazarbaevtyń «Uly dalanyń jeti qyry» atty aýqymdy maqalasy týraly aitty, dep habarlaidy "Ult aqparat" Májilistiń baspasóz qyzmetine silteme jasap.
Májilis tóraǵasy Elbasy maqalasynyń basty ideiasy men negizgi usynystary bizdiń elimizdiń ǵana emes, búkil túrki álemi úshin tarihi sharalardyń basty oqiǵasy bolyp tabylatynyna nazar aýdardy. Memleket Basshysy óz maqalasynda qazirgi Qazaqstan men túrkitildes elder jáne ótken uly dala imperiialarynyń arasyndaǵy ajyramas ishki bailanystardy kórsetkenine toqtalǵan Májilis tóraǵasy, Táýelsiz Qazaqstannyń Tuńǵysh Prezidenti jahandyq saiasatker, bolashaqty dál jáne naqty túrde boljaityn bizdiń zamanymyzdyń shynaiy filosofy ekenin taǵy da dáleldegine mán berdi.
«Qazaqstan Respýblikasynyń Prezidenti Nursultan Ábishuly Nazarbaevtyń teńdessiz ereksheligi óz halqynyń tarihymen birlikte bolýynyń jáne onyń bolashaǵyn qalyptastyrý bolyp tabylady», - dedi Nurlan Nyǵmatýlin.
Májilis Tóraǵasy osyndai aýqymdy jobalardyń búkil túrki álemi úshin mańyzy men ózektiligine mán berip, Elbasynyń «Arhiv - 2025», «Uly dalanyń uly esimderi», «Túrki áleminiń genezisi», «Uly dalanyń ejelgi óner jáne tehnologiialar mýzeii», «Dala folklory men mýzykasynyń myń jyly», «Tarihtyń kino óneri men televiziiadaǵy kórinisi» siiaqty aýqymdy bastamalaryna toqtaldy.
.jpeg)