Májilis Tóraǵasy Nurlan Nyǵmatýlinniń Soltústik Qazaqstan oblysy aýylsharýashylyǵy ónimin óndirýshilermen kezdesýinde Elbasynyń bes áleýmettik bastamalary áńgime ózegine ainaldy. Bul týraly "Ult aqparat" Májilistiń baspasóz qyzmetine silteme jasap habarlaidy.
Kezdesý kezinde ásirese, shaǵyn nesieleý, shaǵyn jáne orta biznesti damytý, sondai-aq, halyqty eńbekpen qamtý máselelerine airyqsha nazar aýdaryldy.
«Elbasynyń tapsyrmasy boiynsha osy jyly qosymsha 20 milliard teńge bólinip, shaǵyn nesielerdiń jalpy somasy 62 milliard teńgege jetetin bolady. Bul óz isin ashqysy keletin azamattarǵa zor múmkindik beredi. Sondai-aq, aýyldaǵy kásipkerlikti damytý úshin óte qajetti. Atalǵan áleýmettik joba aýyldyq turǵyndary kóp sizderdiń oblys úshin óte mańyzdy», - dedi N. Nyǵmatýlin.
Óz kezeginde bul bastama aýyl halqynyń da erekshe qyzyǵýshylyǵyn týǵyzdy.
Kezdesý barysynda aýylsharýashlyǵyna tsifrlyq tehnologiiany engizý jaiy da nazardan tys qalmady. Ol ónimdilikti nyǵaitýmen qatar, sapasyn kúsheitýge de keń jol ashatyny sózsiz. Nurlan Nyǵmatýlin Elbasynyń áleýmettik bastamalaryn júzege asyrý árbir óńirge tyń serpin beretinin jáne halyqtyń ál-aýqatyn kóterýge zor yqpal etetinin atap ótti.
.jpeg)