Májilis tóraǵasy Nurlan Nyǵmatýlin Abaidyń 175 jyldyq mereitoiyna orai uiymdastyrylǵan chelendjdi qoldady, dep habarlaidy Májilistiń baspasóz qyzmeti.
Palata Spikeri estafetany halyqtyń súiiktisi, búkil álemge qazaq mádenietin tanytqan, aty ańyzǵa ainalǵan opera ánshisi Bibigúl Tólegenovadan qabyldady. Nurlan Nyǵmatýlin Uly Abai búginde tek qazaq halqymyz ǵana emes, búkil álem úshin de kemeńger tulǵaǵa ainalǵanyn aityp, Abai atamyzdyń óleńderi, Abaidyń «Qara sózderi» adam balasyn erinbei eńbek etýge, berekeli ómir súrýge, ónerli, bilimdi jáne qaiyrymdy bolýǵa shaqyratynyna nazar aýdardy.
«Osy jolda Uly aqynnyń urpaqqa qaldyrǵan ósiet sózderi eshqashan eskirmeitin jáne taýsylmaityn mol qazyna. Sonymen birge, egemen elimizdiń damý jolynda rýhani tirek bolatyn altyn muramyz. Sondyqtan, qansha jyldar, qansha ǵasyrlar ótse de Abai shyǵarmalary árqashanda mańyzdy» - dedi Májilis tóraǵasy.
«Nurlan Nyǵmatýlin búginde dúniejúzine taralǵan Abai estafetasy júregi elim dep, jerim dep soǵatyn árbir azamatqa rýh beretin, jiger beretin erekshe bastama dep esepteimin», - dedi.
Palata Spikeri N. Nyǵmatýlin Abai Qunanbaiulynyń óleńin oqyp, bul mańyzdy sharany odan ári jalǵastyrý úshin ózbekstandyq áriptesi Ózbekstan Parlamentiniń Spikeri, Ózbekstan Olii Majlisiniń Zań shyǵarý palatasynyń tóraǵasy - Nýrdinjon Ismoilovke joldady. Aita ketý kerek, aktsiianyń maqsaty - qazaqtyń Uly aqyny Abai Qunanbaevtyń shyǵarmalarynan úzindi oqý.
Aita keteiik, QR Prezidenti Qasym-Jomart Toqaev 9 jasar mektep oqýshysynyń estafetasyn qabyl alyp, ony Bilim jáne ǵylym ministri Ashat Aimaǵambetovkejáne búkil álemdi moiyndatqan talantty ánshi Dimash Qudaibergenge joldaǵan edi. Keiinnen atalmysh etafetany, elimizdiń óńirleriniń basshylary, diplomatiialyq ókildikterdiń qyzmetkerleri, BAQ ókilderi, óner adamdary, sheteldikter de qoldap, Abai óleńderin oqyp, shyǵarmalaryn oryndady.
