Munai-gaz himiiany damytý jónindegi 2025 jylǵa deiingi ulttyq jobany ázirleý qajet. Bul týraly búgin Úkimet otyrysynda QR Energetika ministri Nurlan Noǵaev aitty, dep habarlaidy QazAqparat
«Memleket basshysy qańtar aiynda ótken Qazaqstan Úkimetiniń keńeitilgen otyrysynda iske asyrylyp jatqan munai-gaz himiia óndiristerin jedeldetý jóninde is-sharalar qabyldaý, sondai-aq áleýetti investorlar úshin tartymdy jaǵdailar jasaý mindetin qoidy. Osy máseleni sheshýdiń mynadai joldary usynylady. Birinshiden - munai-gaz himiiany damytý jónindegi 2025 jylǵa deiingi ulttyq jobany ázirleý. Bul problemalyq máselelerdi sheshýge basa nazar aýdara otyryp, salany naqty damytýǵa, atap aitqanda munai-gaz himiia jobalaryn shikizatpen qamtamasyz etýge; munai-gaz himiia klasterin qurýǵa; qaita óńdeýdi odan ári damytýǵa múmkindik beredi», - dedi óńdeý ónerkásibin damytý jaiynda baiandaǵan Nurlan Noǵaev.
Onyń aitýynsha, ekinshiden, Úkimet pen investor arasynda memlekettik qoldaýdyń barlyq is-sharalaryn bir qujatta biriktirýge múmkindik beretin investitsiialyq kelisim ázirleý qajet.
«Atalǵan kelisim mynadai nátijelerge qol jetkizýge múmkindik beredi. Munai-gaz himiia ónimderin óndirý kólemi 2020 jylmen salystyrǵanda 2025 jylǵa qarai 5,5 esege artyp, 2 mln tonnadan astamdy quraidy. Málimdelgen jobalardy iske asyrý úshin tartylǵan qarajattyń jalpy kólemi, iaǵni qaryz qarajaty jáne sheteldik investorlardyń qarajaty) shamamen 3,9 mlrd AQSh dollaryn quraityn bolady», - dedi ol.
Ministr dereginshe, qurylys kezeńinde 6 myńnan astam jumys orny, paidalaný kezeńinde shamamen 2 myń jumys orny qurylady.
«Bul rette sarapshylardyń baǵalaýy boiynsha munai-gaz himiia salasynda 1 jumys orny ekonomikanyń aralas salalarynda qosymsha 3 jumys ornyn qurady», - dedi Nurlan Noǵaev.
