videodan alynǵan kadr
Pavlodar oblysy politsiia departamentiniń burynǵy basshysyna úkim shyqty, - dep habarlaidy "Ult aqparat".
Nurlan Másimov múlki tárkilenip, 10 jylǵa bas bostandyǵynan aiyryldy.
Aita keteiik, Pavlodar oblysynyń qylmystyq ister jónindegi mamandandyrylǵan aýdanaralyq sotynda oblystyq politsiia departamentiniń eks-basshysy Nurlan Másimov, onyń orynbasary Damir Sirazidimov pen kásipker Evgenii Evkovichtiń qylmystyq isi boiynsha sot protsesi aiaqtaldy.
Eske sala ketsek, Nurlan Másimov pen onyń burynǵy orynbasary Damir Sirazidimovke Qylmystyq kodekstiń 366-babynyń 4-bóligi ("Asa iri kólemde para alý") jáne 189-baby ("Asa iri mólsherde senip tapsyrylǵan sheteldik múlikti iemdený nemese jymqyrý") boiynsha aiyp taǵylǵan. Kásipker Evgenii Evkovich 28-baptyń 5-bóligi – 189-baptyń 4-bóliginiń 2-tarmaǵy ("Erekshe iri mólsherde para berýge kómektesý") boiynsha aiyptalsa, Másimovke sonymen qosa 92-bap – "Qazaqstan Respýblikasynyń memlekettik shekarasyn qasaqana zańsyz kesip ótý" aiyby artylǵan.
Aiyptaýshy taraptyń málimetinshe, politsiia departamentiniń basshysy óziniń orynbasarymen birlesip 90,3 million teńge kóleminde múlik túrinde para alǵan.
2020 jyldyń qyrkúieginde Qazaqstan Respýblikasynyń Ishki ister ministrligi artilleriialyq tehnikany satyp alýǵa konkýrs jariialaǵan kezde Pavlodar oblysynyń politsiia basshylyǵy oǵan olardyń dosy Evkovich mindetti túrde qatysýy kerek dep esepteidi.
Al kóp uzamai kásipker men pavlodarlyq tártip saqshylarynyń arasynda 607,5 mln teńgege saýyt, qalqan, amortizator, rezeńke taiaqtardy satyp alýǵa kelisim-shart jasalady.
Aiyptaýshy taraptyń aqpartyna súiensek, shart joǵary baǵamen jasalǵan, óitkeni is júzinde kásipker barlyq arnaiy tehnikany satyp alýǵa 184 mln jumsaǵan. Iaǵni, memleket qarjysynan 423 mln teńge urlanǵan. Alaida Nurlan Másimov taǵylǵan aiyppen kelispedi.
