ۆيدەودان الىنعان كادر
پاۆلودار وبلىسى پوليتسييا دەپارتامەنتٸنٸڭ بۇرىنعى باسشىسىنا ٷكٸم شىقتى, - دەپ حابارلايدى "ۇلت اقپارات".
نۇرلان مەسٸموۆ مٷلكٸ تەركٸلەنٸپ, 10 جىلعا باس بوستاندىعىنان ايىرىلدى.
ايتا كەتەيٸك, پاۆلودار وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا وبلىستىق پوليتسييا دەپارتامەنتٸنٸڭ ەكس-باسشىسى نۇرلان مەسٸموۆ, ونىڭ ورىنباسارى دامير سيرازيديموۆ پەن كەسٸپكەر ەۆگەنيي ەۆكوۆيچتٸڭ قىلمىستىق ٸسٸ بويىنشا سوت پروتسەسٸ اياقتالدى.
ەسكە سالا كەتسەك, نۇرلان مەسٸموۆ پەن ونىڭ بۇرىنعى ورىنباسارى دامير سيرازيديموۆكە قىلمىستىق كودەكستٸڭ 366-بابىنىڭ 4-بٶلٸگٸ ("اسا ٸرٸ كٶلەمدە پارا الۋ") جەنە 189-بابى ("اسا ٸرٸ مٶلشەردە سەنٸپ تاپسىرىلعان شەتەلدٸك مٷلٸكتٸ يەمدەنۋ نەمەسە جىمقىرۋ") بويىنشا ايىپ تاعىلعان. كەسٸپكەر ەۆگەنيي ەۆكوۆيچ 28-باپتىڭ 5-بٶلٸگٸ – 189-باپتىڭ 4-بٶلٸگٸنٸڭ 2-تارماعى ("ەرەكشە ٸرٸ مٶلشەردە پارا بەرۋگە كٶمەكتەسۋ") بويىنشا ايىپتالسا, مەسٸموۆكە سونىمەن قوسا 92-باپ – "قازاقستان رەسپۋبليكاسىنىڭ مەملەكەتتٸك شەكاراسىن قاساقانا زاڭسىز كەسٸپ ٶتۋ" ايىبى ارتىلعان.
ايىپتاۋشى تاراپتىڭ مەلٸمەتٸنشە, پوليتسييا دەپارتامەنتٸنٸڭ باسشىسى ٶزٸنٸڭ ورىنباسارىمەن بٸرلەسٸپ 90,3 ميلليون تەڭگە كٶلەمٸندە مٷلٸك تٷرٸندە پارا العان.
2020 جىلدىڭ قىركٷيەگٸندە قازاقستان رەسپۋبليكاسىنىڭ ٸشكٸ ٸستەر مينيسترلٸگٸ ارتيللەرييالىق تەحنيكانى ساتىپ الۋعا كونكۋرس جارييالاعان كەزدە پاۆلودار وبلىسىنىڭ پوليتسييا باسشىلىعى وعان ولاردىڭ دوسى ەۆكوۆيچ مٸندەتتٸ تٷردە قاتىسۋى كەرەك دەپ ەسەپتەيدٸ.
ال كٶپ ۇزاماي كەسٸپكەر مەن پاۆلودارلىق تەرتٸپ ساقشىلارىنىڭ اراسىندا 607,5 ملن تەڭگەگە ساۋىت, قالقان, امورتيزاتور, رەزەڭكە تاياقتاردى ساتىپ الۋعا كەلٸسٸم-شارت جاسالادى.
ايىپتاۋشى تاراپتىڭ اقپارتىنا سٷيەنسەك, شارت جوعارى باعامەن جاسالعان, ٶيتكەنٸ ٸس جٷزٸندە كەسٸپكەر بارلىق ارنايى تەحنيكانى ساتىپ الۋعا 184 ملن جۇمساعان. ياعني, مەملەكەت قارجىسىنان 423 ملن تەڭگە ۇرلانعان. الايدا نۇرلان مەسٸموۆ تاعىلعان ايىپپەن كەلٸسپەدٸ.
