Tanymal jazýshy-jýrnalist Nurlan Qabdai «Ádebiet» portalynyń bas redaktory bolyp taǵaiyndaldy.
«Qazkontent» Aktsionerlik qoǵamyna qarasty «Ádebiet portaly» internet-jobasyna jańa basshy keldi. Bul qyzmetke buǵan deiin birneshe basylymda jemisti eńbek etken qarymdy jýrnalist, belgili qalamger Nurlan Qabdaiuly taǵaiyndaldy.
Nurlan Qabdai 1983 jyly 22 qyrkúiekte týǵan. 2002-2006 jyldary Ál-Farabi atyndaǵy Qazaq Ulttyq ýniversitetiniń jýrnalistika fakýltetinde oqyǵan.
«Dala men Qala», «Azamat.kz», «Aq jol Qazaqstan», «Qazaq ádebieti» gazetterinde, «Qazaq radiosynda» jumys istegen. Búginge deiin «Habar» telearnasynda redaktor bolyp eńbek etti. QR Mádeniet jáne sport ministrligi janynan qurylǵan Jastar keńesiniń múshesi.
Aita ketsek, «Ádebiet portaly» Internet-jobasy - Qazaqstan Respýblikasy Mádeniet jáne aqparat ministrligi jáne Qazaqstan Respýblikasy Prezidenti janyndaǵy Ortalyq kommýnikatsiialar qyzmetiniń qoldaýymen «Qazkontent» Aktsionerlik qoǵam tarapynan ázirlendi. Internet jelisindegi óz baǵyty aiqyn bul biregei jańa joba – qazaq eliniń mádeni, tarihi jáne ádebi murasyna qyzyǵýshylyq tanytatyn álemniń túpkir-túkpirindegi internetti belsendi paidalanatyn kóziqaraqty oqyrman qaýymnyń basyn biriktiretin onlain ádebi platforma.
Ult portaly ujymy Nurlan Qabdaidy jańa qyzmetke taǵaiyndalýymen quttyqtai otyryp, eńbekte jemis, shyǵarmashylyq tabystar tileidi!
