تانىمال جازۋشى-جۋرناليست نۇرلان قابداي «ەدەبيەت» پورتالىنىڭ باس رەداكتورى بولىپ تاعايىندالدى.
«قازكونتەنت» اكتسيونەرلٸك قوعامىنا قاراستى «ەدەبيەت پورتالى» ينتەرنەت-جوباسىنا جاڭا باسشى كەلدٸ. بۇل قىزمەتكە بۇعان دەيٸن بٸرنەشە باسىلىمدا جەمٸستٸ ەڭبەك ەتكەن قارىمدى جۋرناليست, بەلگٸلٸ قالامگەر نۇرلان قابدايۇلى تاعايىندالدى.
نۇرلان قابداي 1983 جىلى 22 قىركٷيەكتە تۋعان. 2002-2006 جىلدارى ەل-فارابي اتىنداعى قازاق ۇلتتىق ۋنيۆەرسيتەتٸنٸڭ جۋرناليستيكا فاكۋلتەتٸندە وقىعان.
«دالا مەن قالا», «ازامات.كز», «اق جول قازاقستان», «قازاق ەدەبيەتٸ» گازەتتەرٸندە, «قازاق راديوسىندا» جۇمىس ٸستەگەن. بٷگٸنگە دەيٸن «حابار» تەلەارناسىندا رەداكتور بولىپ ەڭبەك ەتتٸ. قر مەدەنيەت جەنە سپورت مينيسترلٸگٸ جانىنان قۇرىلعان جاستار كەڭەسٸنٸڭ مٷشەسٸ.
ايتا كەتسەك, «ەدەبيەت پورتالى» ينتەرنەت-جوباسى - قازاقستان رەسپۋبليكاسى مەدەنيەت جەنە اقپارات مينيسترلٸگٸ جەنە قازاقستان رەسپۋبليكاسى پرەزيدەنتٸ جانىنداعى ورتالىق كوممۋنيكاتسييالار قىزمەتٸنٸڭ قولداۋىمەن «قازكونتەنت» اكتسيونەرلٸك قوعام تاراپىنان ەزٸرلەندٸ. ينتەرنەت جەلٸسٸندەگٸ ٶز باعىتى ايقىن بۇل بٸرەگەي جاڭا جوبا – قازاق ەلٸنٸڭ مەدەني, تاريحي جەنە ەدەبي مۇراسىنا قىزىعۋشىلىق تانىتاتىن ەلەمنٸڭ تٷپكٸر-تٷكپٸرٸندەگٸ ينتەرنەتتٸ بەلسەندٸ پايدالاناتىن كٶزٸقاراقتى وقىرمان قاۋىمنىڭ باسىن بٸرٸكتٸرەتٸن ونلاين ەدەبي پلاتفورما.
ۇلت پورتالى ۇجىمى نۇرلان قابدايدى جاڭا قىزمەتكە تاعايىندالۋىمەن قۇتتىقتاي وتىرىپ, ەڭبەكتە جەمٸس, شىعارماشىلىق تابىستار تٸلەيدٸ!
