Bir-birimizge senim bar kezde ǵana memleket damidy. Parlament Májilisiniń depýtaty Nurlan Dýlatbekov osyny este saqtaý kerektigin aitady, dep habarlaidy "Ult aqparat".
«Qaitys bolǵan azamattardyń týǵan-týystaryna kóńil aityp, jaraqat alǵan baýyrlarymyzdyń tezirek jazylyp ketýin tileimin. Shynynda da, bul bizge elimizge, mentalitetimizge kelmeitin jaǵdai eken. Sabyrǵa shaqyrý kerek. Bizdiń úlken jetistigimiz – ózara tatýlyq, bir-birimizge degen meiirim. Qanshama jyl boiy kórshi elderde ne bolyp jatqanyn kórip otyrmyz ǵoi. Bereke-birlimigizben maqtanamyz. Sol sebepti osyndai syni kezeńde árqashan sabyr aqtaý kerek», - dedi májilismen.
Depýtattyń aitýynsha, Qazaqstanda qanshama ult ókilderi birlikte ómir súrip jatyr.
«Olardyń barlyǵy da bizdiń eldiń, elbasshylarynyń alǵa qoiǵan mindetterin júzege asyryp, ortaq maqsatqa umtylyp, soǵan jumys isteýi kerek. Bir-birimizge senim bar kezde ǵana memleket damidy. Biz sony este saqtaýǵa tiispiz», - dedi Nurlan Dýlatbekov.
Buǵan deiin Jambyl oblysynyń Qordai aýdanyndaǵy Masanchi aýylynyń turǵyndary arasynda jappai tóbeles bolǵanyn habarlaǵan bolatynbyz.
Kóp ýaqyt ótpei Prezident Qasym-Jomart Toqaev Jambyl oblysy Qordai aýdanynda bolǵan jappai tóbeleske qatysty pikir bildirdi.
«Jambyl oblysy Qordai aýdanynda buzaqylyq sipattaǵy jappai tóbeles boldy. Ony arandatýshylar óz paidasyna qoldanbaq bolǵan. Politsiia jaǵdaidy rettep, óz baqylaýyna aldy. Qoǵamdyq tártipti buzǵandar jaýapkershilikke tartylady», dep jazdy Qasym-Jomart Toqaev Twitter-degi paraqshasynda.
Al búgin Memleket basshysy Jambyl oblysyndaǵy oqiǵaǵa bailanysty málimdeme jasady.
