بٸر-بٸرٸمٸزگە سەنٸم بار كەزدە عانا مەملەكەت داميدى. پارلامەنت مەجٸلٸسٸنٸڭ دەپۋتاتى نۇرلان دۋلاتبەكوۆ وسىنى ەستە ساقتاۋ كەرەكتٸگٸن ايتادى, دەپ حابارلايدى "ۇلت اقپارات".
«قايتىس بولعان ازاماتتاردىڭ تۋعان-تۋىستارىنا كٶڭٸل ايتىپ, جاراقات العان باۋىرلارىمىزدىڭ تەزٸرەك جازىلىپ كەتۋٸن تٸلەيمٸن. شىنىندا دا, بۇل بٸزگە ەلٸمٸزگە, مەنتاليتەتٸمٸزگە كەلمەيتٸن جاعداي ەكەن. سابىرعا شاقىرۋ كەرەك. بٸزدٸڭ ٷلكەن جەتٸستٸگٸمٸز – ٶزارا تاتۋلىق, بٸر-بٸرٸمٸزگە دەگەن مەيٸرٸم. قانشاما جىل بويى كٶرشٸ ەلدەردە نە بولىپ جاتقانىن كٶرٸپ وتىرمىز عوي. بەرەكە-بٸرلٸمٸگٸزبەن ماقتانامىز. سول سەبەپتٸ وسىنداي سىني كەزەڭدە ەرقاشان سابىر اقتاۋ كەرەك», - دەدٸ مەجٸلٸسمەن.
دەپۋتاتتىڭ ايتۋىنشا, قازاقستاندا قانشاما ۇلت ٶكٸلدەرٸ بٸرلٸكتە ٶمٸر سٷرٸپ جاتىر.
«ولاردىڭ بارلىعى دا بٸزدٸڭ ەلدٸڭ, ەلباسشىلارىنىڭ العا قويعان مٸندەتتەرٸن جٷزەگە اسىرىپ, ورتاق ماقساتقا ۇمتىلىپ, سوعان جۇمىس ٸستەۋٸ كەرەك. بٸر-بٸرٸمٸزگە سەنٸم بار كەزدە عانا مەملەكەت داميدى. بٸز سونى ەستە ساقتاۋعا تيٸسپٸز», - دەدٸ نۇرلان دۋلاتبەكوۆ.
بۇعان دەيٸن جامبىل وبلىسىنىڭ قورداي اۋدانىنداعى ماسانچي اۋىلىنىڭ تۇرعىندارى اراسىندا جاپپاي تٶبەلەس بولعانىن حابارلاعان بولاتىنبىز.
كٶپ ۋاقىت ٶتپەي پرەزيدەنت قاسىم-جومارت توقاەۆ جامبىل وبلىسى قورداي اۋدانىندا بولعان جاپپاي تٶبەلەسكە قاتىستى پٸكٸر بٸلدٸردٸ.
«جامبىل وبلىسى قورداي اۋدانىندا بۇزاقىلىق سيپاتتاعى جاپپاي تٶبەلەس بولدى. ونى ارانداتۋشىلار ٶز پايداسىنا قولدانباق بولعان. پوليتسييا جاعدايدى رەتتەپ, ٶز باقىلاۋىنا الدى. قوعامدىق تەرتٸپتٸ بۇزعاندار جاۋاپكەرشٸلٸككە تارتىلادى», دەپ جازدى قاسىم-جومارت توقاەۆ Twitter-دەگٸ پاراقشاسىندا.
ال بٷگٸن مەملەكەت باسشىسى جامبىل وبلىسىنداعى وقيعاعا بايلانىستى مەلٸمدەمە جاسادى.
